Apokalipsi 1:17 - BIBLIA - traduson antigu in Krioulo

¹⁷ Oca ku N ojal, N kai na si pe suma mortu. I pui si mon direita riba di mi, i falan: “Ka bu medi. I ami ku sedu purmeru ku ultimu.

Apokalipsi 1:17 ပူးပေါင်းရင်းမြစ်များ

Kumsada 15:1

Dipus de kusas tudu pasa, SIÑOR bin papia ku Abron na vison, i falal: “Abron, ka bu ten medu. Ami i bu tajadera; N sedu bu garandi premiu.”

Salmus 139:5

Bu tajan dianti ku tras; bu pui bu mon riba di mi.

Saida 14:13

Moisés fala pobu: “Ka bo panta; bo ten koraẑen; bo na jubi kuma ku SIÑOR na libra bos. E ejipsius ku bo na oja aos, nunka mas bo ka na oja elis.

Saida 20:20

Moisés fala pobu: “Ka bo medi; Deus bin pa proba bos, pa bo pudi kontinua ten rispitu pa el, pa bo ka peka.”

Saida 3:6

I falal mas: “Ami N sedu Deus di bu pape, Deus di Abraon, Deus di Isak, Deus di Jakó.” Moisés kubri si rostu pabia i tenba medu pa oja ku Deus.

Isaias 41:10

Ka bu medi, pabia N sta ku bo; ka bu panta; ami i bu Deus, N na dau forsa, N na judau, N na nguentau ku mon direita ku ta fasi kusas diritu.

Isaias 41:4

Kin ku pui e kusa pa i sedu, ku lantanda manjuandadis, un son un son, disna di kumsada? Ami, SIÑOR, N sta disna di purmeru te na ultimu delis, ami propi.”

Isaias 44:6

Asin ku SIÑOR, Rei di Israel, si Libertadur, SIÑOR ku ten tudu puder, fala: “Ami i purmeru ku ultimu; fora di mi i ka ten mas utru Deus.

Isaias 48:12

“O Jakó, sukutan; abo, Israel, ku N coma. Ami i ki un son son; N sedu purmeru, N sedu tambi ultimu.

Miskiñu di Jeremias 3:57

Bu ciga pertu na ki dia ku N comau; bu falan pa ka N medi.

Ezekiel 1:28

Ki lus na roda i parsiba ku arku-iris ku ta sai na nuven na tempu di cuba. Asin ku parsensa di gloria di SIÑOR seduba. Oca ku N ojal, N kai ku rostu na con, N obi vos di algin ku na papiaba.

Daniel 10:12

Dipus i falan: “Daniel, ka bu medi, pabia disna di purmeru dia ku bu pui sintidu pa ntindi, tambi pa bu baŝa dianti di bu Deus, bu palabras obidu. N bin suma rasposta di bu orason,

Daniel 10:15

Oca ki na falan e palabra, N mpina ña rostu, N fika suma mudu.

Abakuk 3:16

N obi ki kusa; ña korson bati. N obi si baruju; ña boka tirmi. N staba suma ña os na podrisiba; ña pernas na tirmiba. Ma N na diskansa, N na pera dia di kastigu pa i bin riba di pobu ku na bin kontra nos.

Mateus 14:27

Na ki ora Jesus fala elis: “Bo ten koraẑen, i ami. Ka bo medi.”

Mateus 28:4

Ki guardas panta dimas, tok e na tirmi, e fika suma mortu.

Mateus 28:5

Anju fala minjeris: “Ka bo medi. N sibi kuma bo na buska Jesus ku krusifikadu.

Bon Noba di Jesus Kristu ku Jon 13:23

Un di disipulus, kil ku Jesus amaba, i mpina riba di Jesus.

Bon Noba di Jesus Kristu ku Jon 21:20

Pedru rabida, i oja ki disipulu ku Jesus ama na sigil, ku na sia ngostaba na pitu di Jesus, i puntalba: “Siñor, kin ku na bin falsiau?”

Apokalipsi 1:11

ku falan: “Kil ku bu oja, skirbil na un libru, bu mandal pa igreẑas ku sta ne seti lugar, ku sedu: Éfesu, Smirna, Pérgamu, Tiatira, Sardu, Filadélfia ku Laodiseia.”

Apokalipsi 1:4

Ami Jon N na skirbi pa seti igreẑa ku sta na pruvinsia di Asia. N misti pa Deus da bos fabur ku pas, Deus ku sedu, ku seduba, ku ten ku bin, ku ki seti spiritu ku sta dianti di si tronu,

Apokalipsi 1:8

Siñor fala: “Ami i Alfa ku Omega, ku sedu kumsada ku kabantada, kil ku sedu, ku seduba, ku ten ku bin, ku ten tudu puder.”

Apokalipsi 2:8

“Skirbi pa anju di igreẑa di Smirna, bu falal: ‘Es i palabra di kil ki purmeru, ki ultimu, kil ku matadu, ku torna bibu.

Apokalipsi 22:13

Ami i Alfa ku Omega, purmeru ku ultimu, kumsada ku kabantada.”