Apokalipsi 1:15 - BIBLIA - traduson antigu in Krioulo

¹⁵ si pe i suma metal ku na lampra, ku rifinadu na furnu, si fála suma turmenta di manga di yagu.

Apokalipsi 1:15 ပူးပေါင်းရင်းမြစ်များ

Salmus 93:4

ma SIÑOR, la riba, i mas forti di ki baruju di mar garandi; mas forti di ki turmenta di maron.

Isaias 17:13

Nin ku nasons na somna suma maron, Deus na raprindi elis; e na kuri pa lunju. E na kurintidu suma paja di monti dianti di bentu, suma bolon dianti di turbada.

Ezekiel 1:24

Oca ke na yanda, N obi baruju di se asas suma baruju di korenti di yagu, suma fála di Deus ku ten tudu puder, o suma baruju di manga di tropa. Si e para, e ta baŝaba se asas.

Ezekiel 1:7

Se pernas staba filadu; patas di se pe seduba suma pe di fiju di baka; e na lampraba suma kobri pulidu.

Ezekiel 40:3

Oca ki leban la, N oja un omi ku na lampraba suma kobri, i firmaba na porton, i tene na mon un korda di liñu ku un kana di midi.

Ezekiel 43:2

N oja gloria di Deus di Israel i na bin di saida di sol. Si vos seduba suma baruju di manga di yagu; con na lampraba pabia di si gloria.

Daniel 10:6

Si kurpu na lampraba suma ki pedra di balur ku comadu turkesa, si rostu i suma relampagu, si ujus i suma toŝa di fugu, si brasus ku si pes i suma kor di kobri pulidu, si fála i suma baruju di manga di jinti ku na papia.

Apokalipsi 10:1

N oja utru anju forti ku na disiba di seu. Nuven rodial; arku-iris staba riba di si kabesa. Si rostu seduba suma sol; si pe i suma pilar di fugu.

Apokalipsi 14:2

N obi un vos di seu suma baruju di manga di yagu, suma baruju di garandi turbada. N obi musika suma tokaduris ku na toka se arpas.

Apokalipsi 19:6

Tambi N obi un vos suma un garandi multidon di jinti, suma baruju di manga di yagu, suma baruju forti di turbada, ku fala: “Aleluia! Siñor Deus ku ten tudu puder i na rena ja!

Apokalipsi 2:18

“Skirbi pa anju di igreẑa di Tiatira, bu falal: ‘Es i palabra di Fiju di Deus ku tene uju ku na lampra suma fugu, ku pe suma metal ku na lampra.