Amos 9:9 - BIBLIA - traduson antigu in Krioulo

⁹ “N na da ordi, N na sakudi pobu di Israel na metadi di tudu nasons, suma trigu ta sakudidu na pineria; nin un garan ka na kai na con.

Amos 9:9 ပူးပေါင်းရင်းမြစ်များ

Isaias 27:12

Na ki dia SIÑOR na kuji bos, fijus di Israel, un son un son, desdi riu Eufrates te na riu di Ejitu, suma ku algin ta kuji si arus.

Isaias 28:28

Arus ta piladu pa i foriñadu, ma jinti ka ta kontinua na masal son, nin e ka ta pilal ku roda di karu nin ku pe di boi.

Isaias 30:28

Si folgu i suma korenti di yagu ku na inci dipresa tok i ciga na garganti. I ta pineria nasons ku pineria di distruison; i pui freiu na boka di jinti ku na fasi elis pa e yara.

Jeremias 31:36

“Ami, SIÑOR, N fala kuma, si e leis di seu ku mar falia, tambi jorson di Israel i na disa di sedu un nason ña dianti.

Jeremias 46:28

O Jakó, ña servu, ka bu medi, pabia ami, SIÑOR, N sta ku bo. N na kaba ku tudu ki nasons nunde ku N pajigau na se metadi, ma abo, N ka na kaba ku bo. N ka na disau sin kastigu, ma N na kastigau ku midida justu.”

Jeremias 49:36

N na tisi kontra Elan kuatru bentu di kuatru kantu di seu; N na pajigal na tudu ladu di ki bentus. I ka na ten tera nunde ku refuẑiadus di Elan ka na bai.

Ezekiel 20:38

N na libra bos di disobdientis ku kilis ku lanta kontra mi; N na tira elis na tera ke mora nel, ma pa tera di Israel e ka na riba. Bo na sibi kuma ami i SIÑOR.

Ezekiel 36:19

N pajiga elis na metadi di nasons na manga di tera. N julga elis konformi se manera di yanda, ku kusas ke fasi.

Ezekiel 39:28

E na sibi kuma N sedu SIÑOR se Deus, pabia i ami ku manda elis pa katiberasku na metadi di nasons, N na torna junta elis pa ribanta elis pa se tera. Nin un delis ka na fika.

Ezekiel 5:10

Asin, dentru di bu muras, papes na kume se fijus, fijus na kume se papes. N na julgau ku kastigus; kilis ku sobra, N na pajiga elis na bentus.

Ezekiel 5:12

Un tersa parti di bu pobu na muri di duensa o fomi dentru di bo. Utru tersa parti na matadu ku spada na roda di bu mura. Ki utru tersa parti, N na pajiga elis na bentus; N na tira ña spada na baiña se tras.

Sirmonias 26:33

N na pajiga bos na metadi di nasons, N na busi ña spada bo tras. Bo tera na fika bandonadu; bo prasas na danadu tudu.

Lukas 22:31

Siñor fala tambi: “Simon, Simon, ali Satanas pidi lisensa pa feki bos suma arus,

Ripitison di Lei 28:64

SIÑOR na pajiga bos na metadi di tudu nasons di un parti di mundu pa utru. La bu na sirbi utru deusis di po ku di pedra, ku nin abo nin bu papes ka kunsi.