Amos 8:5 - BIBLIA - traduson antigu in Krioulo

⁵ Bo ta fala na sintidu: “No ten dipresa pa lua nobu pasa pa no pudi bindi no miju. Si dia di diskansu kaba son, no na yabri fera di trigu. No na usa midida mas pikininu, no na aumenta pres ku jinti na paga, no ngana jinti ku balansu falsu.

Amos 8:5 ပူးပေါင်းရင်းမြစ်များ

2 Reis 4:23

I puntal: “Ke ku manda bu na bai pa el aos? I ka lua nobu inda, nin i ka dia di diskansu.” Minjer falal: “Disan son.”

Saida 31:13

pa i papia ku fijus di Israel, i fala elis: “Bo ten ku guarda ña dias di diskansu, pabia i sinal na metadi di mi ku bos pa sempri, pa bo sibi kuma ami i SIÑOR ku separa bos pa bo sedu ña pobu.

Ditus 11:1

Balansu di nganu i nujenti pa SIÑOR, ma i ta kontenti ku pesu justu.

Ditus 16:11

SIÑOR gosta di balansu ku midida sertu; tudu pedras di pesu e sta si dianti.

Ditus 20:23

Dus pedra di balansu i nujenti pa SIÑOR. Balansu di nganu i ka bon.

Isaias 1:13

Ka bo tisi mas ofertas na nada. Nsensu pa mi i nujenti, suma tambi bo kultus di lua nobu ku dias di diskansu ku bo juntamentus. Bo pekadu, N ka pudi nguental, nin bo juntamentu riliẑiosu.

Isaias 58:13

“Si bu pui sintidu pa ka kebra lei di dia di diskansu, bu ka fasi bu propi vontadi na ña dia sagradu, si bu coma dia di diskansu dia sabi, bu trata dia sagradu di SIÑOR ku rispitu, si bu dal onra manera ku bu ka yanda na bu propi kamiñu, nin bu ka fasi bu propi vontadi, nin bu ka papia palabras amonton,

Oseias 12:7

SIÑOR fala: “Israel i suma nogosianti ku tene balansu falsu; i gosta di ngana jinti.

Oseias 12:8

Efrain fala: ‘N bida riku, N ngaña manga di kusa di balur. Na tudu ña tarbaju i ka na ojadu na mi nin maldadi, ku fadi pekadu.’

Sirmonias 19:36

Bo na usa balansu ku pesu justu, ku midida di litru tambi justu. Ami i SIÑOR bo Deus ku tira bos na tera di Ejitu.

Zakarias 5:6

N puntal: “Es i ke?” I falan: “Es i sestu di midi. I signifika maldadi di jinti di tudu e tera.”

Zakarias 5:8

Anju falan: “Es i maldadi.” I pinca minjer pa fundu di sestu, i torna pui ki tampu di cumbu riba di boka di sestu.

Malakias 1:13

Bo ta fala tambi: ‘E kansera!’ Bo ta yalsa naris ku disprezu. Bo ta pursenta limaria ku furtadu, o manku o duenti; asin ku bo ta da oferta. Nta ami N na setal na bo mon?” Asin ku SIÑOR ku ten tudu puder punta.

Numerus 10:10

Tambi na dia di bo kontentamentu, suma tambi na bo festivalis markadu, o na lua nobu, bo na toka kornetas riba di bo ofertas kemadu ku ofertas di pas. E na pui bo Deus pa i lembra di bos. Ami i SIÑOR bo Deus.”

Kolosensis 2:16

Ka bo disa ningin julga bos pabia di kume o bibi, o pabia di dia sagradu, lua nobu, o dia di diskansu.

1 Samuel 20:5

Davi fala Jonatas: “Jubi, amaña i festival di lua nobu. N dibi di kume ku bu pape, ma disan pa N bai sukundi na lugar te di tardi di ermon di amaña.