Amos 8:10 - BIBLIA - traduson antigu in Krioulo

¹⁰ “N na pui bo festivalis ku tudu bo kantigas pa e bida cur; N na pui pa bo mara saku, bo rapa kabesa. N na fasil suma cur di uniku fiju; si kabantada na sedu dia di kasabi.”

Amos 8:10 ပူးပေါင်းရင်းမြစ်များ

Kumsada 21:16

I bai, i sinta lunju un bokadu, suma un tiru di mansasa, pabia i fala: “N ka pudi oja mininu na muri.” I sinta la na ki kau, i kumsa na cora.

Jo 20:23

Ora ki kaba inci bariga, Deus na manda forsa di si raiba riba del suma cuba.

Jo 3:5

Pa i sedu un dia di sukuru ku sombra di mortu; pa nuvens sinta riba del, sukuru meduñu pa i toma konta del.

Jo 30:31

Pabia di kila ña arpa bida miskiñu; ña flauta bida vos di kilis ku na cora.

Isaias 3:24

Minjer ku ta cera di purfumu i na bin cera mal; kil ku ta pui sintu bonitu i na maradu ku korda; kil ku ta ronka ku moda di kabelu i na bida kareka; kil ku ta pui bistidu kumpridu i na bisti saku; kemadura na toma lugar di bonitasku.

Jeremias 2:19

I bu maldadi ku na kastigau; bu disviu ku na raprindiu. Pensa diritu, bu jubi kuma ki sedu un kusa mau i malgos pa bu disa SIÑOR bu Deus, bu ka ten rispitu pa el.” Asin ku SIÑOR Deus ku ten tudu puder fala.

Jeremias 48:37

Kabesa tudu rapadu, barba tiradu; tudu mon i lañadu; e mara saku.

Jeremias 6:26

“O ña pobu, bo mara saku, bo rola na sinsa; bo cora ku forsa ku tristesa, suma algin ku pirdi si uniku fiju, pabia di repenti danadur na bin riba di nos.”

Miskiñu di Jeremias 5:15

Kontentamentu di no korson para; no baju konverti na miskiñu.

Ezekiel 7:18

E na bisti saku, e na tirmi desdi kabesa te na pe. Se rostu na kubridu ku borgoña; se kabelu na rapadu tudu.

Ezekiel 7:2

“Fiju di omi, asin ku SIÑOR Deus fala aserka di tera di Israel: Kabantada na bin pa tudu kuatru kantu di tera.

Oseias 2:11

N na kaba ku tudu si gozu: si festivalis anual ku di lua nobu, si dias di diskansu — tudu si kultus.

Oseias 2:13

N na kastigal pabia di ki dias ki kema nsensu pa Baal; i faja si kurpu ku brinkus ku fius di garganti, i bai tras di si amantis, i diskisi di mi. Asin ku SIÑOR fala.

Joel 1:8

Miskiña suma bajuda ku mara saku pabia di mortu di namoradu di si bajudesa.

Sirmonias 13:40

“Si un omi pirdi kabelu, i fika karekadu, i sta puru na mesmu.

Amos 5:21

“N nuju bo festivalis, N njuti elis. Bo juntamentus ka ta dan nada di kontentamentu.

Amos 5:23

Bo tira baruju di bo kantigas na ña oreja, pabia N ka misti obi musika di bo instrumentus.

Amos 8:3

Na ki dia kantigas na templu na bida cur. I na ten manga di difuntu na tudu kau. Jinti na bota elis fora boka kaladu.”

Naun 1:10

Mesmu ke miti na metadi di fididas, e bibi biñu tok, suma camidur, e na kemadu suma paja seku.

Zakarias 12:10

“N na darma spiritu di miserikordia ku orason riba di familia di Davi ku moraduris di Jerusalen. E na oja pa ki algin ke fura, e na jimi pa el suma kin ku na cora si uniku fiju; e na cora risu pa el suma kin ku na cora risu pa si purmeru fiju.

Ripitison di Lei 16:14

bu kontenti na ki festival, abo ku bu fijus macu ku femia, bu katibus macu ku femia, ku levita, stranjeru, orfan ku viuva ku sta na bu prasa.