Amos 7:8 - BIBLIA - traduson antigu in Krioulo

⁸ SIÑOR puntan: “Amos, ke ku bu na oja?” N falal: “N oja prumu.” SIÑOR falan: “Ali N na pui prumu na metadi di ña pobu Israel. N ka na torna maina kastiga elis.

Amos 7:8 ပူးပေါင်းရင်းမြစ်များ

2 Reis 21:13

N na kastiga Jerusalen suma ku N kastiga Samaria, ku familia di Akab. N na tira jinti ku sta na Jerusalen tok i limpu pus, suma pratu ku limpadu i mborkadu.

Isaias 28:17

N na pui justisa pa i sedu suma korda di midi; vida retu na sedu suma prumu. Cuba di pedra na bari ki kau di suguransa di mintida; yagu na kubri ki bo kau di sukundi.

Isaias 34:11

Pilikanu ku kuruẑa na toma konta di tera, orisu ku korvu na mora la. Deus na midil i kunfundil; i na probal ku nivel, i kaba ku el.

Jeremias 15:6

Bu disan, bu riba tras; asin N na distindi ña mon kontra bo, N na kaba ku bo; N kansa sinti pena di bo.

Miskiñu di Jeremias 2:8

SIÑOR pui sintidu pa dana mura di Sion; i distindi korda, i ka tuji si mon fasi danu. I pui mura ku toris pa e jimi; elis tudu e fika fraku.

Oseias 1:6

Gomer torna preña, i padi un fiju femia. SIÑOR fala Oseias: “Pul nomi di Lo-Ruama, pabia N ka na torna sinti amor pa pobu di Israel; di nin un manera N ka na purda elis,

Amos 7:7

Es i utru kusa ki mostran tambi: N oja SIÑOR i staba riba di un mura ku filantadu ku prumu. I teneba prumu na si mon.

Amos 8:2

I puntan: “Amos, ke ku bu na oja?” N fala: “Un sestu di fruta kusidu.” SIÑOR falan: “Kabantada ciga riba di ña pobu Israel. Disna di aos N ka na torna maina kastiga elis.

Mikeias 7:18

I ka ten ningin suma bo, o Deus, ku ta purda pekadu, ku ta diskisi di disobdiensia di kilis di bu yardansa ku sobra. O SIÑOR, bu ka ta guarda bu raiba pa sempri, pabia bu ten kontentamentu na bu bondadi.

Zakarias 4:10

Kin ku ta njuti dia di kusas pikininu? Jinti na kontenti ora ke oja prumu na mon di Zorobabel. “Ki seti uju i ujus di SIÑOR ku ta pasa na tudu mundu.”

Zakarias 4:2

I puntan: “Ke ku bu na oja?” N falal: “N oja un kanderu, tudu di uru, ku un parti la riba pa pui azeiti, ku si seti lampada, ku seti tubu, un tubu pa kada lampada.

Zakarias 5:2

Anju puntan: “Ke ku bu na oja?” N falal: “N oja un rolu ku na bua, ku tene 9 metru di kumprimentu ku 4,5 metru di largura.”