Amos 7:16 - BIBLIA - traduson antigu in Krioulo

¹⁶ Gosi, sukuta palabra di SIÑOR. Bu fala: ‘Ka bu anunsia kontra Israel, nin ka bu papia kontra jorson di Isak.’

Amos 7:16 ပူးပေါင်းရင်းမြစ်များ

1 Reis 13:1

Oca ku Jeroboan firmaba lungu di altar na Betel pa kema nsensu, un omi di Deus ciga di Judá ku palabra di SIÑOR.

1 Reis 22:19

Mikaias kontinua i fala; “Sukuta palabra di SIÑOR. N oja SIÑOR sintadu na si tronu; tudu tropas di seu staba lungu del na si mon direita ku skerda.

2 Reis 14:24

I fasi mal dianti di SIÑOR; nunka i ka para fasi ki pekadus ku Jeroboan, fiju di Nebat, pui Israel pa i fasi.

Isaias 30:10

ku ta fala videntis: “Ka bo oja mas vison;” e fala anunsiaduris: “Ka bo anunsianu kusas ki diritu; bo kontanu son kil ku no gosta del, bo anunsia konformi no imaẑinason.

Ezekiel 13:2

“Fiju di omi, anunsia kontra anunsiaduris di Israel ku ta anunsia son kil ku bin na se kabesa. Fala elis: ‘Bo obi palabra di SIÑOR.

Ezekiel 16:35

“‘Asin, minjer di mau vida, obi palabra di SIÑOR!

Ezekiel 20:46

“Fiju di omi, jubi pa sul, bu papia kontra el, bu anunsia kontra ki matu di sul.

Ezekiel 21:2

“Fiju di omi, jubi pa Jerusalen, bu papia kontra kau sagradu, bu anunsia kontra tera di Israel,

Amos 2:12

“Abos, bo da nazireus biñu pa e bibi; bo da ordi pa anunsiaduris pa ka e anunsia.

Amos 7:13

ma ka bu torna anunsia mas na Betel, pabia i kau sagradu di rei, i templu di renansa.”

Mikeias 2:6

Utru anunsiaduris fala: “Para somna! Ka bu anunsia de manera; borgoña ka na bin pa nos.”

Ripitison di Lei 32:2

Ña nsinamentu pa i kai suma cuba; ña palabra pa i ria suma serenu, suma cuba ku na yeriyeri riba di paja nobu, o suma ora ki na regua plantas.

1 Samuel 15:16

Samuel fala Saul: “Pera N na kontau ke ku SIÑOR falan e di noti.” Saul falal: “Konta.”