Amos 7:15 - BIBLIA - traduson antigu in Krioulo

¹⁵ SIÑOR tiran na tarbaju di bakia, i falan: ‘Bai anunsia ña rekadu pa ña pobu Israel.’

Amos 7:15 ပူးပေါင်းရင်းမြစ်များ

2 Samuel 7:8

“Asin bu ta fala ña servu Davi kuma, asin ku SIÑOR ku ten tudu puder fala: ‘N tirau na kau ku bu ta bakiaba karnel nel, pa bu sedu rei di ña pobu Israel.

1 Reis 19:19

Elias sai di la, i bai oja Eliseu, fiju di Safat, ku na labraba ku dozi junta di turu; el propi i staba ku ki ultimu junta. Elias pasa nunde el, i bota si kapa riba del.

Jeremias 1:7

SIÑOR falan: “Ka bu fala abo i mininu. Bu na bai pa tudu jinti ku N mandau; tudu ku N mandau fala, el ku bu na fala.

Jeremias 26:12

Jeremias papia ku tudu ŝefis ku tudu pobu, i fala: “I SIÑOR ku mandan pa N anunsia kontra e kasa ku e prasa tudu palabras ku bo obi.

Amos 3:8

Lion somna; kin ku ka na medi? SIÑOR Deus papia ja; kin ku ka na anunsia si rekadu?

Mateus 9:9

Jesus sai di la, i oja un omi comadu Mateus sintadu na si kau di kobra mpustu; i falal: “Bin no bai.” I lanta, i bai ku el.

Atus 1:8

ma bo na risibi puder di Spiritu Santu ku na bin riba di bos. Bo na sedu ña tustumuñas na Jerusalen, ku tudu Judeia, ku Samaria, te na lugar mas lunju di mundu.”

Atus 4:20

pabia anos no ka pudi disa di fala kusa ku no oja, ku no obi.”

Atus 5:20

“Bo bai, bo yentra na kasa di Deus, bo splika pobu diritu aserka de nobu vida.”

1 Samuel 10:11

Oca tudu kilis ku tarda kunsilba ojal i na anunsia ku anunsiaduris, e kumsa na punta ŋutru: “Es i ke ku kontisi ku fiju di Kis? Nta Saul tambi i un di anunsiaduris?”