Amos 7:10 - BIBLIA - traduson antigu in Krioulo

¹⁰ Amazias, saserdoti di Betel, i manda fala Jeroboan, rei di Israel: “Amos na fasi planus kontra bo na metadi di Israel; tera ka na pudi nguenta tudu si palabras.

Amos 7:10 ပူးပေါင်းရင်းမြစ်များ

Kumsada 37:8

Si ermons falal: “Aa! Bu na rena riba di nos? Abo ku na manda riba di nos?” Elis e mas disgosta del pabia di si suñu, ku palabras ki na konta.

1 Reis 13:33

Mesmu dipus di kila, Jeroboan ka bandona si mau manera di yanda, ma i ta tomaba kualker algin di pobu, i ta fasil saserdoti di lugaris altu. Kin ku mistiba, i ta dal suku di bas; asin i ta pudu suma saserdoti.

1 Reis 18:17

Oca ki ojal, i puntal: “I abo, kil ku ta kansa Israel?”

Jeremias 18:18

E fala: “Bo bin no fasi no planu kontra Jeremias. Saserdoti na sta li pa nsinanu lei; jirus na danu konsiju; i ten anunsiaduris pa danu palabra. Bo bin no atakal ku no lingua; ka no sukuta nin un di si palabras.”

Jeremias 36:16

Oca ke obi tudu ki palabras, e jubi ŋutru ku medu, e fala Baruk: “I ka ten utru kusa; no na konta tudu e palabra pa rei.”

Jeremias 38:4

Ŝefis fala rei: “Ki omi dibi di muri, pabia i na disanima omis di gera ku sobra ne prasa, ku tudu pobu, manera ki na fala elis ki palabras. Ki omi ka na buska ben de pobu, ma son mal.”

Amos 1:1

Es i palabras di Amos, un di bakiaduris di Tekoa, ku konta kil ki oja aserka di Israel na un vison, na tempu di Uzias, rei di Judá, ku Jeroboan, fiju di Jeoás, rei di Israel, dus anu antis di tirmidura di tera.

Amos 3:14

Na dia ku N kastiga Israel pa si pekadus, N na kaba ku altaris di Betel tambi; pontas di altar na kortadu, e na kai na con.

Amos 5:10

Abos bo ta ten odiu di kil ku ta raprindi bos na kau di justisa; bo ta nuju kil ku ta konta bardadi.

Amos 5:5

Ma ka bo buska Betel, nin ka bo bai pa Jilgal, nin ka bo pasa pa Berseba, pabia, sin duvida, Jilgal na lebadu katibu, Betel na bida nada.”

Amos 7:11

Amos na fala: ‘Jeroboan na bin matadu ku spada; Israel, sin duvida, i na lebadu fora di si tera, pa katiberasku.’ ”

Mateus 21:23

Oca Jesus yentra na kasa di Deus, i na nsina, ŝefis di saserdoti ku garandis di pobu e bai pa el, e puntal: “Kal diritu ku bu ten pa fasi e kusas? Kin ku dau e otridadi?”

Lukas 23:2

e kumsa na akusal, e fala: “No oja es omi i na pui pobu lanta kontra gubernu, i na fala pa ka e paga mpustu pa rei garandi; i fala tambi el i Kristu ku ten ku sedu rei.”

Atus 24:5

“No oja kuma e omi i mau, i ta lantanda baruju na metadi di tudu judeus na tudu mundu. I un ŝef di grupu ku ta comadu Nazarenu.

Atus 5:28

“Nta no ka tujiba bos pa ka bo nsina na ki nomi? Ma bo inci Jerusalen ku bo nsinamentu. Tambi bo misti kulpanu di mortu di ki omi.”

Atus 7:54

Oca ke obi ki palabra, e raiba na se korson; e ñeme dinti kontra Stevon.