Amos 5:3 - BIBLIA - traduson antigu in Krioulo

³ Asin ku SIÑOR Deus fala: “Mil tropa na sai na un prasa, ma son sen ku na riba. Sen na sai na utru prasa, ma son des ku na riba, di pobu di Israel.”

Amos 5:3 ပူးပေါင်းရင်းမြစ်များ

Salmus 144:14

No turus na sedu forti pa tarbaju; bariga di bakas ka na dana. I ka na ten gritus di miskiñu na no ruas.

Isaias 1:9

Si SIÑOR ku ten tudu puder ka disanuba utrus ku sobra ku vida, no na danaduba suma Sodoma ku Gomora.

Isaias 10:22

Israel, nin ku bu pobu ciu suma reia di mar, son restu ku na riba. Kastigu markadu pa elis i justa elis.

Isaias 6:13

Un na kada des pudi fika, ma con na torna sedu kau di bakia. Si karvaju o utru po garandi kortadu, i ta fika si pe. Asin simentera sagradu na sedu suma pe ku fika.”

Ezekiel 12:16

N na disa un bokadiñu delis pa e kapli di spada, fomi ku duensa. Asin, la na metadi di nasons ke na bai, e pudi rapara kuma ki kustumus ke ta fasi i nujenti; e ta sibi kuma ami N sedu SIÑOR.”

Amos 6:9

Si i sobra des omi na un kasa, e na muri.

Romanus 9:27

Oca Isaias na konta di Israel, i yalsa vos, i fala: “Nin ku pobu di Israel sedu ciu suma reia di mar, ma un bokadu son ku na sedu salbu,

Ripitison di Lei 28:62

Abos ku seduba ciu suma strelas di seu, bo na bin fika puku, pabia bo ka para oreja pa obi palabra di SIÑOR bo Deus.

Ripitison di Lei 28:63

Suma ku SIÑOR kontenti ba ku bos, i fasi bos ben, i aumenta bos, asin tambi ki na kontenti pa dana bos, i kaba ku bos. Bo na rinkadu na tera ku bo na bai toma.

Ripitison di Lei 4:27

SIÑOR na pajiga bos na metadi di jinti di utru nasons, nunde ku son puku di bos ku na fika ku vida.