Amos 5:27 - BIBLIA - traduson antigu in Krioulo

²⁷ E ku manda N na leba bos katibu pa fika na utru ladu di Damasku.” Asin ku SIÑOR fala, ku tene nomi di Deus ku ten tudu puder.

Amos 5:27 ပူးပေါင်းရင်းမြစ်များ

1 Reis 14:15

SIÑOR na kastiga israelitas tok e tirmi suma po di kana na yagu. I na tira pobu di Israel ne bon tera ki da se papes di antigu, i na pajiga elis te na utru ladu di riu Eufrates. Manera ke kumpu idulus di deus femia Aserá, e lantanda raiba di SIÑOR.

2 Reis 15:29

Na tempu di Peka, rei di Israel, Tiglat-Pileser, rei di Asiria, bin, i toma Ijon, Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.

2 Reis 17:23

tok SIÑOR tira elis na si pursensa, suma ki avisa elis ba na boka di si servus anunsiaduris. Israelitas tiradu na se tera, e lebadu pa Asiria; e sta la te aos.

2 Reis 17:6

Na nonu anu di renansa di Oseias, rei di Asiria toma Samaria, i leba pobu di Israel pa Asiria, i pui pa e mora na Ala, ku Gozan, lungu di riu Abor; i pui utrus na prasas di Media.

Jeremias 38:17

Jeremias fala Zedekias: “Asin ku SIÑOR Deus ku ten tudu puder, Deus di Israel, fala: ‘Si bu sai, bu ntrega bu kabesa pa ŝefis di rei di Babilonia, bu ta bibu; e prasa i ka na kemadu ku fugu; abo ku bu familia bo ta bibu,

Amos 4:13

El ku ta forma montis, i ta kumpu bentu, i ta konta omi si pensamentu; i ta bidanta parmaña sukuru, i ta yanda na kaus altu di mundu. SIÑOR, Deus ku ten tudu puder, i si nomi.

Amos 5:26

ma bo karga tenda di bo deus Molok, ku altar di bo idulus, ku strela di bo deus, ku bo kumpu pa bos propi.

Amos 6:1

Ai di kilis ku fika a vontadi na Sion, kilis ku sta suguru na monti di Samaria, omis ku ten fama na nason ki mas tudu nason, ku tudu pobu di Israel ta bai pa elis.

Amos 6:7

Asin bo na sta na purmeru grupu ku na bai pa katiberasku; bo festas di parodia na para.

Atus 7:43

Bo karga tenda di Molok, ku strela di bo deus Renfan, ku sedu idulus ku bo kumpu pa adora. E ku manda N na serka bos pa bo fika na utru ladu di Babilonia.’