Amos 5:2 - BIBLIA - traduson antigu in Krioulo

² “Bajuda Israel kai; nunka mas i ka na lanta! I dita bandonadu na si con; i ka ten kin ku na lantandal.”

Amos 5:2 ပူးပေါင်းရင်းမြစ်များ

2 Reis 15:29

Na tempu di Peka, rei di Israel, Tiglat-Pileser, rei di Asiria, bin, i toma Ijon, Abel-Bet-Maaka, Janoa, Kedes, Azor, Jilead, Galileia ku tudu tera di Naftali; i leba jinti di ki lugaris pa Asiria.

2 Reis 17:16

E disa tudu mandamentus di SIÑOR se Deus, e kumpu imaẑens di dus bakasiñu di metal, e fasi un idulu di Aserá, e mborka dianti di tudu strelas di seu, e adora Baal.

Isaias 14:21

Bu purpara matansa pa fijus pabia di maldadi di se papes, pa ka e bin lanta, e toma tera, e inci mundu ku prasas.”

Isaias 24:20

Mundu na singa-singa suma algin ku cami, i na balansa suma baraka na bentu. Si pekadu na pesa riba del; i na kai; nunka mas i ka na lanta.

Isaias 3:8

Jerusalen na balansa; Judá kai ja, pabia tudu ke na papia, ku kusas ke na fasi, sta kontra SIÑOR, pa disafia si parsensa gloriosu.

Isaias 37:22

Es i palabra ku SIÑOR fala aserka del: Bajuda, fiju di Sion, i na njutiu, i fasiu trosa. Minjeris di Jerusalen na bajanta se kabesa ora ku bu na kuri.

Isaias 43:17

I leba karus ku kabalus, manga di tropa ku omis forti; elis tudu e dita na un kau, pa ka lanta mas. Se vida kaba suma kanderu ku pagadu.

Jeremias 14:17

“Fala elis e palabra: ‘I bon pa ña uju darma larma noti ku dia, sin para, pabia ña pobu fasidu golpi di suti ku na de elis dimas.

Jeremias 18:13

Pabia di kila SIÑOR fala asin: “Bo punta na metadi di utru rasas: ‘Kin ku ciga di obi un kusa suma es?’ I un kusa meduñu ku Israel fasi.

Jeremias 2:27

E ta fala po: ‘Abo ki ña pape;’ e ta fala pedra: ‘Abo ku padin.’ E dan kosta, e ka ta jubi pa mi, ma ora ke foronta, e ta falan: ‘Lanta bu judanu.’

Jeremias 31:4

O noiva Israel! N na torna kumpou, pa bu sedu kumpudu. Bu na toma bu tambriñas, bu na sai pa baja ku kilis ku sta kontenti.

Jeremias 4:20

Mal riba di mal! Tera tudu danadu. Di repenti ña tendas danadu; logu lona rumpidu.

Jeremias 50:32

Ki orgulyosu na da tapada, i kai; ningin ka na judal pa i lanta. N na pui fugu na si prasas ku na kaba ku tudu ku sta na si roda.”

Jeremias 51:64

bu fala: ‘Asin ku Babilonia na bai pa fundu, i ka na lanta, pabia di mal ku N na tisi riba del. Si moraduris na kai.’ ” Asin ku palabras di Jeremias kaba.

Jeremias 8:4

SIÑOR falan: “Papia ku elis, bu fala kuma SIÑOR punta: ‘Si omis kai, e ka ta lanta? Si algin yara na kamiñu, i ka ta riba?

Jeremias 9:21

Mortu subi pa no janelas, i yentra na no palasius, i mata mininus na rua, ku jovens na kaus di nkontru.

Jeremias 9:9

SIÑOR punta: “Nta N ka na kastiga elis pabia de kusas? N ka dibi di vinga un nason suma es?”

Miskiñu di Jeremias 2:13

Ke ku N pudi falau? O pobu di Jerusalen, ku kin ku N pudi komparau? O fiju di Sion, ku kin ku N na parsintiu pa N pudi dau koraẑen? Bu caga fundu dimas, suma mar; kin ku pudi kurau?

Oseias 14:1

O Israel, riba pa SIÑOR bu Deus. Bu pekadus pou pa bu kai.

Oseias 6:2

Dipus di dus dia i na danu vida; na terseru dia i na tornanu suma ku no staba, pa no pudi vivi si dianti.

Amos 8:14

Kilis ku jurmenta pa idulu di Samaria, e fala: ‘Pa vida di bu deus, o Dan,’ o ‘Pa vida di deus di Berseba,’ elis e na kai, e ka na lanta mas.”

Amos 9:11

“Na ki dia N na torna lantanda renansa di Davi ku sedu suma kasa ku kai; N na tapa si burakus, N na repara kaus ku dana, N na torna kumpul suma ki staba na tempu antigu,