Amos 5:1 - BIBLIA - traduson antigu in Krioulo

¹ Pobu di Israel, bo sukuta e kantiga tristi ku N na kanta pa bos:

Amos 5:1 ပူးပေါင်းရင်းမြစ်များ

Jeremias 18:13

Pabia di kila SIÑOR fala asin: “Bo punta na metadi di utru rasas: ‘Kin ku ciga di obi un kusa suma es?’ I un kusa meduñu ku Israel fasi.

Jeremias 7:29

“Jerusalen, korta bu kabelu, bu botal, bu pega na cora riba di montis, pabia SIÑOR nega, i bandona pobu ku lantanda si raiba.”

Jeremias 9:10

N na cora risu pabia di montis; N na miskiña pabia di kaus di bakia na lala, pabia e sta ja kemadu; ningin ka ta pasa la. Gosi ja i ka na obidu vos di baka; kacus tudu ku limarias e kuri, e bai.

Jeremias 9:17

Asin ku SIÑOR ku ten tudu puder fala: “Bo pensa! Bo coma minjeris jamuduris pa e bin; bo manda buska kilis ku mas ten jitu.”

Jeremias 9:20

Abos minjeris, bo obi palabra di SIÑOR; bo orejas ta risibi palabra di si boka. Bo nsina bo fijus femia cora; Kada kin nsina si kumpañer un kantiga tristi.

Jeremias 9:9

SIÑOR punta: “Nta N ka na kastiga elis pabia de kusas? N ka dibi di vinga un nason suma es?”

Ezekiel 19:1

Deus falan pa N kanta e kantiga di tristesa aserka di reis di Israel:

Ezekiel 19:14

Fugu sai na un di si ramus, i kaba ku si fruta. I ka ten ja nin un ramu forti nel ku pudi fasidu bingala di regulu.” Es i kantiga di tristesa ku ten ku kantadu.

Ezekiel 26:17

E na miskiña pa bo, e na falau: ‘Abo, prasa di fama, morada di mariñerus! Bu tenba forsa na mar. Kuma ku bu pirdi asin? Abo ku bu pobu bo puiba medu na bu visiñus!

Ezekiel 27:2

“Fiju di omi, fasi un miskiñu pa Tiru,

Ezekiel 28:12

“Fiju di omi, miskiña pa rei di Tiru, bu falal kuma SIÑOR Deus fala: ‘Abo bu seduba algin pirfitu; bu jiru, bu bonitu dimas.

Ezekiel 32:16

“Es i miskiñu ke na kanta. Minjeris di nasons na kantal; e na miskiña pa Ejitu ku tudu si jinti.” Asin ku SIÑOR Deus fala.

Ezekiel 32:2

“Fiju di omi, miskiña pa Faraó, rei di Ejitu, bu falal: ‘Bu seduba suma lion na metadi di nasons, suma lagartu na mar. Bu ta bulbuli kurpu na rius, bu ta pui yagu pa i bulbuli ku bu pe; bu susa bu rius.

Amos 3:1

Pobu di Israel, bo obi e palabra ku SIÑOR papia kontra bos, kontra tudu familia ku N tira di tera di Ejitu.

Amos 4:1

“Bo sukuta e palabra, abos minjeris di monti di Samaria, ku taka suma bakas di Basan, ku ta kalka koitadis, ku ta molosta kilis ku ten falta, ku ta fala bo omis: ‘Bo tisi li, no bibi!’

Amos 5:16

Asin, SIÑOR, SIÑOR Deus ku ten tudu puder, i fala: “Jinti na cora na tudu rua; na tudu bairu e na fala: ‘Ai! Ai!’ Labraduris na comadu pa cur, juntu ku kilis ku ta pagadu pa cora.

Amos 8:14

Kilis ku jurmenta pa idulu di Samaria, e fala: ‘Pa vida di bu deus, o Dan,’ o ‘Pa vida di deus di Berseba,’ elis e na kai, e ka na lanta mas.”

Mikeias 2:4

Na ki dia algin na tira un ditu pa bos; jinti na lanta e na cora tristi, e fala: ‘No danadu tudu! Yardansa di ña pobu, ku sedu se tera, i divididu. El i tiranu el, i rapati no lugaris pa utru jinti.’ ”