Amos 4:7 - BIBLIA - traduson antigu in Krioulo

⁷ Fora di kila, N tuji bos cuba, oca ki faltaba inda tris mis pa kebur. N manda cuba riba di un prasa, ma N ka mandal riba di utru; cuba cubi na un lugar, ma utru lugar, nunde ki ka cubi, i bin seku.

Amos 4:7 ပူးပေါင်းရင်းမြစ်များ

Saida 10:22

Asin Moisés distindi si mon riba; tudu tera di Ejitu i bin inci ku sukuru forti pa tris dia.

Saida 10:23

E ka na ojaba ŋutru; ningin ka pudi lanta di si kau duranti tris dia, ma tudu fijus di Israel e teneba klaridadi na kau ke mora nel.

Saida 8:22

Na ki dia N na separa tera di Gosen nunde ku ña pobu mora nel, pa i ka tene ki manga di moska, pa bu pudi sibi kuma ami i SIÑOR ku sta ne tera.

Saida 9:26

Son na ladu di Gosen, nunde ku fijus di Israel mora nel, ki ka tenba cuba di pedra.

Saida 9:4

SIÑOR na separa limarias di israelitas ku di ejipsius, pa ka nin un son di limarias di fijus di Israel muri.”

Isaias 5:6

N na tornal suma lala; i ka na podadu nin mondadu, ma pe di fidida na kirsi nel, ku utru plantas ku ta fidi. N na da nuvens ordi pa ka e manda cuba nel.

Jeremias 14:22

Nta kualker deus falsu di nasons pudi da cuba? O seu propi ku si forsa i pudi manda cuba? SIÑOR no Deus, i ka abo son ku ta fasi es? Asin no speransa sta na bo, pabia i abo ku ta fasi tudu e kusas.

Jeremias 14:3

Jinti mas importanti manda se kriadus pa e buska yagu; e bai pa dipositu di yagu, ma e ka oja; e riba ku se putis vaziu. E kubri se kabesa ku borgoña ku disanimu.

Jeremias 14:4

Con findi, pabia cuba ka cubi; labraduris disanimadu, e kubri se kabesa.

Jeremias 3:3

E ku manda cuba tujidu cubi; i ka ten cuba di kabantada. Abo bu tene rostu di minjer di mau vida; bu ka misti ten borgoña.

Joel 2:23

Abos, fijus di Sion, bo kontenti ku alegria na SIÑOR bo Deus, pabia i na da bos cuba na midida sertu; i na manda cuba di kumsada ku kabantada, suma na tempu antigu.

Zakarias 14:17

Si kualker pobu di mundu ka bai Jerusalen pa adora Rei, ku sedu SIÑOR ku ten tudu puder, cuba ka na kai na si tera.

Bon Noba di Jesus Kristu ku Jon 4:35

Nta bo ka ta fala kuma i ten kuatru mis pa tempu di kebra ciga? Ali N na fala bos: Bo yalsa uju, bo jubi labur ku sta ja maduru pa kebra.

1 Koríntius 4:7

Kin ku ta diferensiau? Ke ku bu tene ku bu ka dadu el? Si bu dadu el, ke ku manda bu na njata suma bu ka patidu nan el?

Ripitison di Lei 11:17

Si bo fasi kila, raiba di SIÑOR na sindi kontra bos; SIÑOR na fica seu pa ka yagu ten; con ka na da si prudutu. Asin i ka na tarda, bo na pirdi na ki bon tera ku SIÑOR na da bos.

Tiagu 5:17

Elias seduba koldadi di omi suma nos, ma i ora Deus pa cuba ka cubi; cuba ka cubi tris anu ku seis mis.

Apokalipsi 11:6

Elis e ten puder pa fica seu pa ka i cubi na ki dias ke na anunsia. E ten puder tambi riba di fontis di yagu pa bidanta yagu sangi, tambi pa kastiga tera ku tudu koldadi praga, konformi tempu ke misti.