Amos 4:3 - BIBLIA - traduson antigu in Krioulo

³ Bo na sai na koba di mura, un tras di si kumpañer; bo na botadu na ladu di monti di Ermon.” Asin ku SIÑOR fala.

Amos 4:3 ပူးပေါင်းရင်းမြစ်များ

2 Reis 25:4

prasa rombadu. Omis di gera kuri tudu, di noti, e pasa na porton na metadi di dus mura, lungu di jardin di rei. Tropas di Babilonia staba tudu na roda di prasa, ma e pasa na kamiñu di kobon di Jordon.

2 Reis 7:15

E bai se tras te na Jordon; la e oja, na tudu kamiñu, ropa ku ekipamentu ku sirianus botaba oca ke na janti pa bai. E riba, e konta rei.

Isaias 2:20

Na ki dia omis na toma se idulus di prata ku uru ke kumpu pa ba ta adora, e na bota elis pa bagabaga ku mursegu.

Isaias 31:7

pabia dia na bin ku kada un di bos na bota fora si idulus di prata ku uru ku bo fasi ku bo mon pa peka.

Jeremias 52:7

Mura di prasa rombadu; tudu omis di gera kuri, e sai di noti na kamiñu di porton ku sta na metadi di dus mura, lungu di jardin di rei. Kaldeus taja prasa na roda, ma elis e sai na kamiñu di bulaña.

Ezekiel 12:12

“Fiju di rei ku sta na se metadi i na leba si kusas na ombra; i na bin sai na fuska-fuska. E na yabri un buraku na paredi pa tira si kusas. I na kubri rostu pa ka si uju oja kau ki na bai.

Ezekiel 12:5

Nkuantu e na jubiu, koba paredi, bu tira bu kusas la.

Amos 6:7

Asin bo na sta na purmeru grupu ku na bai pa katiberasku; bo festas di parodia na para.

Sofonias 1:18

Nin se prata nin se uru ka na pudi libra elis na dia di raiba di SIÑOR, ma tudu mundu na kabadu ku el ku fugu di si siumi. Di repenti i na kaba ku tudu jinti ku na vivi na mundu.”

Mateus 16:26

Kal purbitu ku algin ta ten si i ngaña mundu ntidu, ma i pirdi si kabesa? O ke ku algin pudi da pa kumpra si alma?

Ŝefis 5:17

Jinti di Jilead fika na utru banda di Jordon. Pabia di ke ku Dan fika lungu di barkus? Aser sinta na praia, i fika lungu di purtus di mar.