Amos 3:8 - BIBLIA - traduson antigu in Krioulo

⁸ Lion somna; kin ku ka na medi? SIÑOR Deus papia ja; kin ku ka na anunsia si rekadu?

Amos 3:8 ပူးပေါင်းရင်းမြစ်များ

Isaias 21:10

O ña pobu, bo masadu suma trigu na kau di masa! Kusa ku N obi di SIÑOR ku ten tudu puder, Deus di Israel, el ku N konta bos.

Isaias 31:4

Asin ku SIÑOR falan: “Lion o fiju di lion, si i paña limaria, i ta pupa riba del. Nin si manga di bakiadur comadu pa junta kontra el, i ka ta medi nin i ka ta panta di se gritu. Asin SIÑOR ku ten tudu puder i na disi pa geria pa difindi monti di Sion.

Jeremias 20:9

Utru ora N ta pensa, N fala: “N ka na lembra mas del, nin N ka na papia mas na si nomi.” Ma si palabra sta na ña korson suma fugu ku na yardi, ficadu na ña os; N ta fasi forsa pa guardal, ma N ka pudi nguenta.

Jeremias 26:12

Jeremias papia ku tudu ŝefis ku tudu pobu, i fala: “I SIÑOR ku mandan pa N anunsia kontra e kasa ku e prasa tudu palabras ku bo obi.

Ezekiel 29:21

“Na ki tempu N na buri pobu di Israel forsa. Tambi N na yabriu boka pa bu papia na se metadi. E na sibi kuma ami N sedu SIÑOR.”

Amos 1:2

Amos fala: “SIÑOR na papia risu na Sion, na Jerusalen i na papia suma turbada. Cur ten na kau di bakiaduris; riba di monti Karmelu paja seku.”

Amos 2:12

“Abos, bo da nazireus biñu pa e bibi; bo da ordi pa anunsiaduris pa ka e anunsia.

Amos 3:4

Lion ta somna na matu si i ka oja kusa di kume? Lion nobu ta pupa na si koba si i ka paña nada?

Atus 4:20

pabia anos no ka pudi disa di fala kusa ku no oja, ku no obi.”

Atus 5:20

“Bo bai, bo yentra na kasa di Deus, bo splika pobu diritu aserka de nobu vida.”

Atus 5:29

Pedru ku utru apostolus fala elis: “I mas minjor obdisi Deus di ki obdisi omis.

1 Koríntius 9:16

Si N na konta Bon Noba, N ka ten roson di njata, pabia N sinti obrigason pa fasil. Ai di mi si N ka konta e Bon Noba!

Apokalipsi 5:5

Un di ki garandis falan: “Ka bu cora. Ali Lion di jorson di Judá ku bin di rais di Davi; i vensi, i ten diritu di kebra selu, tambi pa i yabri ki libru.”