Amos 2:4 - BIBLIA - traduson antigu in Krioulo

⁴ Asin ku SIÑOR fala: “Pabia di pekadu di pobu di Judá ke torna buri manga di bias, N ka na purda elis, pabia e nega lei di SIÑOR, e ka sigi si regras, ma e fika nganadu pa deusis falsu, kilis ku se papes sigiba.

Amos 2:4 ပူးပေါင်းရင်းမြစ်များ

2 Reis 17:19

ma elis tambi e ka obdisi mandamentus di SIÑOR se Deus; e yandaba na kustumus ku Israel kumsaba.

2 Kronikas 25:14

Oca ku Amazias kaba mata edomeus, i riba, i leba idulus di fijus di Seir, i fasi elis si deusis, i mborka se dianti, i kema nsensu pa elis.

2 Kronikas 30:7

Ka bo sedu suma bo papes ku bo ermons ku ka seduba fiel pa SIÑOR, Deus di se papes, ku bin pul i manda kastigu meduñu riba delis, suma ku bo na oja.

Neemias 1:7

Na bardadi no yara ciu kontra bo; no ka obdisi mandamentus nin leis nin ordis ku bu da bu servu Moisés.

Neemias 9:26

“Ma e torna ntemus, e rebela kontra bo, e vira kosta pa bu lei, e mata bu anunsiaduris ku avisa elis pa e riba pa bo; e fasi kusas nujenti dimas.

Isaias 28:15

Bo ta fala: “No fasi kontratu ku mortu, no sina akordu ku kau di mortus, pa ora ku korenti forti di yagu na pasa, i ka na ciga na nos, pabia no fasi mintida pa i sedu no kau di suguransa, no sukundi bas di nganu.”

Isaias 44:20

I suma i na kume sinsa; si korson di nganu disviantal tok i ka pudi libra si kabesa, nin pa punta: “Nta e kusa na ña mon direita i ka mintida?”

Jeremias 16:11

Bu ta ruspundi elis kuma SIÑOR fala: ‘I pabia bo papes disan, e bai tras di utru deusis, e sirbi elis, e mpina se dianti, ma ami, e disan, e ka obdisi ña lei.

Jeremias 16:12

Abos tambi, bo fasi pior di ki bo papes, pabia kada un di bos na yanda konformi duresa di si korson mau; bo ka para sintidu pa obin.

Jeremias 17:27

“‘Ma si bo ka obdisin, pa tene dia di diskansu suma dia sagradu, pa ka karga kusas pa yentranda elis na portons di Jerusalen na dia di diskansu, nta N na sindi fugu na bo portons ku na kaba ku palasius di Jerusalen; ki fugu ka na pagadu.’ ”

Jeremias 6:19

O mundu, obi! N na tisi mal riba de pobu, suma kastigu di se mau pensamentus, pabia e nega obi ña palabras, e ka obdisi ña lei.

Jeremias 8:2

e na distindidu na sol ku lua ku tudu strelas di seu, ku sedu kusas ke amaba, ke sirbiba, ke kuriba se tras, ke punta, ke mborka pa elis. Ki os ka na juntadu nin nteradu, ma e na sedu strumu pa con.

Jeremias 8:9

Jirus fika ku borgoña ku kunfuson, e pañadu; e nega palabra di SIÑOR. Kal tipu di jiresa ke ten?

Jeremias 9:14

ma e yanda na duresa di se korson, e bai tras di idulus di Baal suma ku se papes nsina elis.

Ezekiel 13:22

Ku mintida bo pui tristesa na korson di bon jinti ku N ka pui tristesa nelis. Bo da koraẑen pa omi mau pa ka i konverti di si mau kamiñu pa salba si vida.

Ezekiel 20:13

“‘Ma pobu di Israel disobdisin na lala; e ka yanda konformi ña mandamentus, e nega obi ña leis ku ta da vida pa kin ku obdisi elis; e kontamina ña dias di diskansu dimas. E ku manda N fala kuma N na darma ña raiba kontra elis na lala, pa kaba ku elis,

Ezekiel 20:16

pabia e nega ña leis, e ka yanda konformi ña mandamentus; e kontamina ña dias di diskansu, pabia se korson staba tras di idulus.

Ezekiel 20:18

N fala se fijus la na lala: “Ka bo yanda na kustumus di bo papes, nin ka bo obdisi se leis, nin ka bo kontamina ku se idulus.

Ezekiel 20:24

pabia e ka obdisi ña leis, e nega ña mandamentus, e kontamina ña dias di diskansu. Se uju bai tras di idulus di se papes.

Ezekiel 20:30

“Asin bu ta fala pobu di Israel kuma SIÑOR Deus na punta: ‘Bo na kontamina suma bo papes? Bo na ntrega bo kurpu na se idulus nujenti?

Ezekiel 22:28

Se anunsiaduris ta kubri ki pekadus suma ku omis ta kaia paredi ku ka robokadu; e ta oja visons falsu, e ta fasi adiviñas di mintida; e ta fala: ‘Asin ku SIÑOR Deus fala’ kontra SIÑOR ka fala nada.

Ezekiel 22:8

Bu njuti ña kusas sagradu, bu kontamina ña dias di diskansu.

Oseias 12:2

SIÑOR tene keŝa kontra Judá tambi. I na kastiga Jakó konformi si manera di yanda; i na pagal konformi kusas ki fasi.

Oseias 12:3

Ocal ba na bariga di si mame, i pega kalkañada di si ermon. Dipus di sedu omi, i luta ku Deus.

Oseias 6:11

“Abo tambi, Judá, i markadu un kebur di kastigu pa bo.

Amos 1:3

Asin ku SIÑOR fala: “Pabia di pekadu di pobu di Damasku ke torna buri manga di bias, N ka na purda elis, pabia e masa pobu di Jilead ku dintis di feru.

Amos 3:2

“Di tudu familias na mundu, abos son ku N kuji; e ku manda N na kastiga bos pa tudu bo pekadus.”

Mikeias 6:12

Jinti riku di prasa e inci violensia; moraduris ta konta mintida; palabra di se boka i di nganu.

Abakuk 2:18

“Un idulu ku omi labra, kal purbitu ki ten? I imaẑen son, ku ta nsina mintida, pa omi ku kumpul pudi fia na ki kusa ki kumpu, ma i na kumpu idulus ku ka pudi papia.

Romanus 1:25

E torkia bardadi di Deus pa mintida; e adora, e sirbi kriaturas mas di ki kil ku kumpu elis, kil ku dibi di ngabadu pa sempri. Amen!

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

1 Pedru 1:18

Bo sibi kuma i ka kusa ku ta dana, suma prata o uru, ku pagadu pa liberta bos di bo manera di yanda ku ka bali, ku bo yarda di bo papes di antigu,

Ŝefis 10:6

Fijus di Israel torna na fasi mal dianti di uju di SIÑOR, e bai adora baalins ku Astarot, ku deusis di Siria, Sidon, Moab, di fijus di Amon, ku di filisteus. E disa di adora SIÑOR.