Amos 2:10 - BIBLIA - traduson antigu in Krioulo

¹⁰ Tambi N tira bos di Ejitu, N gia bos korenta anu na lala, pa bo pudi toma tera di amoreus.

Amos 2:10 ပူးပေါင်းရင်းမြစ်များ

Neemias 9:21

Asin ku bu sustenta elis korenta anu na lala; nada ka falta elis; se ropa ka dana nin se pe ka inca.

Salmus 95:10

Duranti korenta anu N ta pañaba raiba ku ki jinti, N fala: “E pobu, se korson ta yara sempri; e nega kunsi ña kamiñus.

Saida 12:51

Na ki mesmu dia SIÑOR tira tudu jorsons di fijus di Israel di Ejitu.

Saida 20:2

“Ami i SIÑOR bu Deus ku tirau di Ejitu, ki kau di katiberasku.

Saida 3:8

Pabia di kila, N ria pa bin libra elis na mon di ejipsius, pa tira elis na ki tera, pa leba elis pa un tera bon, largu, un tera riku ku ta pruduzi ciu, ku sedu tera di kananeus, eteus, amoreus, perizeus, eveus ku jebuseus.

Jeremias 2:6

E ka punta: ‘Nunde ku SIÑOR sta, ku tisinu di tera di Ejitu, i gianu na lala, con di kobas ku montis di reia, con seku, sukuru suma mortu, con ku ka ta yandadu, ku ningin ka ta mora nel?’

Ezekiel 20:10

Asin N tira elis di Ejitu, N leba elis pa lala.

Amos 3:1

Pobu di Israel, bo obi e palabra ku SIÑOR papia kontra bos, kontra tudu familia ku N tira di tera di Ejitu.

Amos 9:7

SIÑOR punta: “O fijus di Israel, nta bo ka sedu pa mi suma jinti di Etiopia? N ka tisi Israel na tera di Ejitu? N ka tisi filisteus di Kaftor? N ka tisi sirus di Kir?

Mikeias 6:4

N tisiu di tera di Ejitu, N librau di katiberasku, N manda Moisés, Aron ku Mirian pa e gia bos.

Numerus 13:32

Asin e papia mal di ki tera ke spiaba, e fala dianti di israelitas: “Ki tera ku no pasa na si metadi pa spia i ta nguli jinti ku mora nel. Tudu jinti ku no oja la i omis kumpridu dimas.

Numerus 21:25

Asin israelitas toma tudu ki prasas di amoreus, e mora nelis, suma tambi na Esbon ku tudu si tabankas.

Numerus 32:13

Asin korson di SIÑOR yardi ku raiba kontra Israel; i pui elis yanda-yanda na lala pa korenta anu, tok jinti di ki idadi ku fasiba mal na uju di SIÑOR e kaba muri tudu.

Atus 13:18

I sufri se mau manera na lala pertu di korenta anu.

Atus 7:42

Deus lunjusi delis, i bandona elis pa e adora astrus di seu, suma ki sta skritu na libru di anunsiaduris: ‘Abos pobu di Israel, i ka pa mi ku bo tisi limarias, bo ronia ku elis pa korenta anu na lala.

Ripitison di Lei 1:39

Dipus Deus falanu: “Bo mininus ku bo fala kuma e na lebadu prezu, e bo fijus ku aos e ka sibi diferensia ben ku mal, i elis ku na yentra la; ami N na da elis ki tera pa e tenel,

Ripitison di Lei 2:7

SIÑOR bu Deus bensuau na tudu tarbaju ku bu fasi, i toma konta di bo na bu bias na lala garandi. Duranti tudu e korenta anu SIÑOR bu Deus staba ku bo; nada ka faltau.

Josué 13:4

desdi sul, tudu tera di kananeus, Meara ku sedu di jinti di Sidon, te na Afeka, na frontera di amoreus,

Josué 24:8

“‘N tisi bos pa tera di amoreus ku moraba na utru banda di Jordon. E geria kontra bos, ma N pui elis na bo mon, N kaba ku elis bo dianti. Bo toma konta di se tera.