Amos 1:8 - BIBLIA - traduson antigu in Krioulo

⁸ N na mata moraduris di Asdod, ku kil ku tene bingala di renansa di Askelon. N na vira ña mon kontra prasa di Ekron tok filisteus kaba muri tudu.” Asin ku SIÑOR Deus fala.

Amos 1:8 ပူးပေါင်းရင်းမြစ်များ

2 Kronikas 26:6

I bai geria kontra filisteus, i kebra muras di Gat, Jabné ku Asdod. I kumpu prasa forti pertu di Asdod, ku utrus na metadi di filisteus.

Salmus 81:14

N ta bati se inimigus kinti-kinti, N pui ña mon kontra kilis ku sta kontra elis!

Isaias 1:25

N na toma midida kontra bo, N na purifikau, suma algin ta purifika prata; N na tirau tudu susidadi ku sta na bo.

Isaias 20:1

Sargon, rei di Asiria, manda Tartan; kila bai geria kontra prasa di Asdod, i tomal.

Jeremias 47:1

Antis di Faraó ataka Gaza, SIÑOR bin papia ku anunsiadur Jeremias aserka di filisteus, i falal kuma

Ezekiel 25:16

Suma ke fasi kila, SIÑOR Deus fala: N na distindi ña mon kontra filisteus, N na rinka kereteus, N na kaba ku kilis ku sobra lungu di mar.

Joel 3:4

“Abos di Tiru ku Sidon ku tudu reẑions di Filistia, ke ku bo ten ku mi? Bo na vingan pa kualker kusa? Si bo misti tornan vingansa, N na pui kinti-kinti bo vingansa pa i kai riba di bo kabesa.

Amos 1:7

Pabia di kila N na pui fugu na mura di Gaza ku na kaba ku se kuartelis.

Amos 3:9

Bo anunsia na kuartelis di Asdod ku di tera di Ejitu, bo fala: “Bo junta riba di montis di Samaria, bo oja garandi jumbulumani ku splorason ku sta la na prasa.”

Obadias 1:18

Jorson di Jakó na sedu fugu; Jorson di José na sedu ŝama di fugu. Jorson di Esaú na sedu paja. E na sindi fugu kontra elis, e na kema elis tudu. Ningin ka na sobra na jorson di Edon.” I SIÑOR ku fala e kusa.

Zakarias 13:7

SIÑOR ku ten tudu puder fala: “O spada, disperta, bu lanta kontra ña bakiadur, ki omi ku sedu ña kumpañer! Mata bakiadur; karnelis na pajiga. N na vira ña mon kontra pikininus.”

Zakarias 9:5

Prasa di Askelon na ojal, i na sinti medu; Gaza na tene dur forti, suma Ekron tambi, pabia si speransa na pirdi. Gaza na pirdi si rei; Askelon ka na tene kin ku na mora nel.

Zakarias 9:6

Jinti di rasa misturadu na mora na Asdod. SIÑOR na kaba ku orgulyu di filisteus.

1 Samuel 6:17

Ki sinku tumor di uru ku filisteus manda pa SIÑOR suma oferta pa tira kulpa e sedu pa Asdod, Gaza, Askelon, Gat ku Ekron, un pa kada prasa.