Amos 1:6 - BIBLIA - traduson antigu in Krioulo

⁶ Asin ku SIÑOR fala: “Pabia di pekadu di pobu di prasa di Gaza ke torna buri manga di bias, N ka na purda elis, pabia e leba katibu tudu jinti di un area, e ntrega elis pa Edon.

Amos 1:6 ပူးပေါင်းရင်းမြစ်များ

2 Kronikas 28:18

Filisteus tambi e ataka prasas di montisiñus ku di sul di Judá, e toma Bet-Semes, Aijalon, Jederot, Sokó, Timna ku Ginzu, ku tudu se tabankasiñus na roda, e bai mora la.

Jeremias 47:1

Antis di Faraó ataka Gaza, SIÑOR bin papia ku anunsiadur Jeremias aserka di filisteus, i falal kuma

Ezekiel 35:5

“‘Bu guarda ki inimisadi antigu, bu bandona fijus di Israel pa violensia di spada na tempu di se mufunesa ku se kastigu mas duru.

Joel 3:4

“Abos di Tiru ku Sidon ku tudu reẑions di Filistia, ke ku bo ten ku mi? Bo na vingan pa kualker kusa? Si bo misti tornan vingansa, N na pui kinti-kinti bo vingansa pa i kai riba di bo kabesa.

Joel 3:6

Bo bindi pobu di Judá ku Jerusalen pa gregus, pa e pudi lunjusi se tera.

Amos 1:11

Asin ku SIÑOR fala: “Pabia di pekadu di pobu di Edon ke torna buri manga di bias, N ka na purda elis, pabia e pirsigi se ermon, ku sedu jorson di Jakó, ku spada, e fica se korson kontra el. Se raiba ka tene kontrolu; kaba e ta guardal pa sempri.

Amos 1:3

Asin ku SIÑOR fala: “Pabia di pekadu di pobu di Damasku ke torna buri manga di bias, N ka na purda elis, pabia e masa pobu di Jilead ku dintis di feru.

Amos 1:7

Pabia di kila N na pui fugu na mura di Gaza ku na kaba ku se kuartelis.

Amos 1:9

Asin ku SIÑOR fala: “Pabia di pekadu di pobu di Tiru ke torna buri manga di bias, N ka na purda elis, pabia e leba katibu tudu jinti di un area, e ntrega elis pa Edon. E ka lembra di kontratu di ermondadi.

Obadias 1:11

Bu firmaba pa jubi na ki dia ku stranjerus na lebaba rikesas di Jakó; jinti di utru rasa yentraba na se porton, e bota sorti pa dividi Jerusalen; abo propi bu seduba suma un delis.

Zakarias 9:5

Prasa di Askelon na ojal, i na sinti medu; Gaza na tene dur forti, suma Ekron tambi, pabia si speransa na pirdi. Gaza na pirdi si rei; Askelon ka na tene kin ku na mora nel.

Atus 8:26

Un dia un anju di Siñor fala Filip: “Lanta, bu bai pa ladu di sul, pa kamiñu ku ta bai di Jerusalen pa Gaza, ki kamiñu di lala.”

1 Samuel 6:17

Ki sinku tumor di uru ku filisteus manda pa SIÑOR suma oferta pa tira kulpa e sedu pa Asdod, Gaza, Askelon, Gat ku Ekron, un pa kada prasa.