Amos 1:5 - BIBLIA - traduson antigu in Krioulo

⁵ N na kebra portons di prasa di Damasku, N na kaba ku moraduris di kobon di Aven, ku kil ku tene bingala di renansa di Bet-Eden. Pobu di Siria na lebadu katibu pa Kir.” Asin ku SIÑOR fala.

Amos 1:5 ပူးပေါင်းရင်းမြစ်များ

2 Reis 14:28

Tudu utru kusas ku pasa na renansa di Jeroboan, ku tudu ki fasi, ku si puder, ku geras ki ngaña, manera ki torna toma Damasku ku Amat ku pertensiba Judá, e sta skritu na libru di Storia di Reis di Israel.

2 Reis 16:9

Rei di Asiria seta, i marŝa kontra Damasku, i tomal, i leba pobu pa Kir, i mata Rezin.

Isaias 22:6

Elan na bin ku karus ku tropas di kabalus, yarmadu ku sakus di fleŝas. Omis di Kir pruntia se tajaderas.

Isaias 43:14

Asin ku SIÑOR, bu Libertadur, Deus Santu di Israel, fala: “Pa amor ku N ten pa bos, N na manda pa Babilonia, N pui tudu kaldeus pa e kuri di se tera, e ria pa ki barkus ke tenba orgulyu del.

Isaias 8:4

Antis di mininu sibi fala ‘Papa’ o ‘Mama,’ rei di Asiria na leba rikesas di Damasku ku kusas ki na oja pa roba na Samaria.”

Jeremias 50:36

Spada kontra si anunsiaduris munturus! E na bida tulu. Spada kontra si omis forti! E na dismaja ku medu.

Jeremias 51:30

Omis forti di Babilonia para geria, e fika na kuartel; se forsa kaba, e bida suma minjeris. Se moradas na kema; trinkus di porton kebra.

Miskiñu di Jeremias 2:9

Si portons kai na con; el i sapa-sapa se trinkus. Si rei ku si ŝefis sta na manga di nason. Gosi i ka ten lei; si anunsiaduris ka na risibi vison di SIÑOR.

Ezekiel 27:23

“‘Nogosiantis di Sebá ta binba, ku jinti di Aran, Kané, Eden, Asur ku Kilmad, pa nogosia ku bo,

Ezekiel 30:17

Jovens di Aven ku Pi-Beset na matadu ku spada; jinti di ki prasas na bai katibu.

Oseias 10:8

Kaus altu di Aven, nunde ku Israel ta fasi pekadu, e na danadu. Pe di fidida ku tudu plantas ku ta fidi na nasi, e kubri se altaris. E na fala montañas: “Bo kubrinu!” E na fala montis: “Bo kai riba di nos!”

Amos 5:5

Ma ka bo buska Betel, nin ka bo bai pa Jilgal, nin ka bo pasa pa Berseba, pabia, sin duvida, Jilgal na lebadu katibu, Betel na bida nada.”

Amos 9:7

SIÑOR punta: “O fijus di Israel, nta bo ka sedu pa mi suma jinti di Etiopia? N ka tisi Israel na tera di Ejitu? N ka tisi filisteus di Kaftor? N ka tisi sirus di Kir?

Naun 3:13

Bu tropas sedu suma minjeris! Portons di bu tera sta abertu pa bu inimigus. Fugu na kaba ku bu trinkus.