Abakuk 3:4 - BIBLIA - traduson antigu in Krioulo

⁴ I na lampraba suma lus; raius bibu sai na si mon, nunde ku si forsa ta sukundi.

Abakuk 3:4 ပူးပေါင်းရင်းမြစ်များ

Neemias 9:12

Bu gia elis di dia ku kuluna di nuven; di noti bu pui kuluna di fugu pa numia elis kamiñu ke tenba ku yanda nel.

Jo 26:14

Es i son ponta di si puder. Kil ku no obi del i suma vos pikininu na oreja. Kin ku pudi ntindi baruju di si puder?”

Salmus 104:2

Bu kubri ku lus suma panu; bu distindi seu suma kurtina.

Salmus 18:12

Na gloria ku staba si dianti i sai nuvens sukuru ku pajiga, ku cuba di pedra ku raius di relampagu.

Saida 13:21

SIÑOR ta baiba se dianti di dia na un kuluna di nuven, pa gia elis na kamiñu; di noti i ta bai na un kuluna di fugu, pa numia elis, pa e pudi yanda di dia ku di noti.

Saida 14:20

i yentra na metadi di kampamentu di ejipsius ku kampamentu di Israel. Ki nuven i seduba sukuru pa ejipsius, ma pa Israel i da klaridadi. Asin na tudu ki di noti e ka pudi pertu ŋutru.

Ditus 18:10

Nomi di SIÑOR i suma tori forti; algin justu ta kuri pa el, i fika suguru.

Ezekiel 1:27

N oja di si sintura pa riba i parsiba ku metal ku na lampra, suma fugu sta dentru del; di la pa bas N oja suma fugu, ku lus ku na lampra na si roda.

Ezekiel 43:2

N oja gloria di Deus di Israel i na bin di saida di sol. Si vos seduba suma baruju di manga di yagu; con na lampraba pabia di si gloria.

Mateus 17:2

i torkia si parsensa se dianti. Si rostu na lampraba suma sol, si ropa bida branku suma lus.

1 Timótiu 6:16

El son ku ka ta muri, i mora na lus ku ningin ka pudi ciga nel. Ningin ka ojal, nin i ka pudi ojadu, kil ku ten ku dadu onra ku puder pa sempri. Amen.

Apokalipsi 21:23

Prasa ka pirsisa di sol nin di lua pa numia nel, pabia gloria di Deus ku ta numial; Karnel ku sedu si kanderu.

Apokalipsi 22:5

La i ka na ten mas di noti. I ka na pirsisadu kanderu nin lus di sol, pabia Siñor Deus na numia elis. E na rena pa tudu sempri.