Abakuk 3:10 - BIBLIA - traduson antigu in Krioulo

¹⁰ Montañas ojau, e tirmi. Korentis di yagu e kuri pa bai; Yagu bas di con somna ku forsa; i pui maron garandi lanta.

Abakuk 3:10 ပူးပေါင်းရင်းမြစ်များ

Neemias 9:11

Bu rapati mar se dianti pa e pudi pasa na metadi del na con seku, ma kilis ku na serkaba elis, bu bota elis na kau fundu, suma pedra ku kai na mar brabu.

Salmus 104:32

Si i jubi pa tera, kila ta tirmi; si i toka na montis, e ta larga fumu.

Salmus 148:7

Abos di tera, bo ngaba SIÑOR, abos baleias, ku tudu kau fundu;

Salmus 18:15

SIÑOR, oca ku bu raprindi inimigus, oca tambi ki folgu forti rebenta na bu naris, kau fundu di mar ojadu, alisersus di mundu diskubridu.

Salmus 65:13

Matu inci karnel; kobon bisti trigu; e ku manda jinti kontenti, e kanta.

Salmus 66:6

I bidanta mar tera seku; pobu kamba riu ku pe. La no fikaba kontenti ku el.

Salmus 93:3

Mar ta lanta, o Deus; mar ta lantanda si baruju; i ta lantanda si maron,

Isaias 43:20

Limarias di matu, kacur brabu ku avestruz, e na ngaban, pabia N pui yagu na lala, ku rius na kau seku, pa pudi da di bibi pa ña pobu ku N kuji,

Isaias 55:12

Bo na sai ku kontentamentu, bo na giadu ku pas. Montis ku montisiñus na rebenta ku gritus di alegria bo dianti; tudu arvuris di matu na toka palmu.

Jeremias 4:24

N jubi pa montañas; e na tirmi; tudu montis na bulbuliba.

Mikeias 1:4

Montis bas del na ribi, suma sera dianti di fugu; kobons na findi; yagu na ria ku forsa pa kau fundu.

Naun 1:5

Montañas na tirmi si dianti; montis na ribi. Mundu ku tudu jinti ku mora nel na bulbuli na si pursensa.

Abakuk 3:6

I para, i bulbuli con; i jubi, i pui nasons pa e tirmi. Montañas ku staba la sempri e kebra-kebradu; montis kai tudu, ki montis nunde ki ta yandaba sempri.

Mateus 27:51

Kurtina di kasa di Deus findi na dus padas, di riba pa bas. Tera tirmi, pedras rebenta.

Mateus 8:24

I bin lanta un garandi turbada na mar; kuas maron na kubriba barku, ma Jesus ditaba, i na durmi.

Ebreus 11:29

I fe ku pui israelitas kamba Mar Burmeju suma na tera seku. Tropas di Ejitu mistiba kamba tambi, ma e foga na mar.

Josué 4:18

Saserdotis ku karga arka di kontratu di SIÑOR e sai na riu. E pui pe na tera seku son, ki yagu di Jordon torna suma ki staba, tok i na darma.

Apokalipsi 16:12

Sestu anju darma si tiẑela riba di garandi riu Eufrates. Yagu di riu seku pa ranja kamiñu pa reis ku sta na ladu di nasenti di sol.

Apokalipsi 20:11

Dipus, N oja un garandi tronu branku, ku kil ku sta sintadu nel. Tera ku seu kuri si dianti. I ka tenba ja lugar pa elis.

Apokalipsi 6:14

Seu disparsi suma libru ku roladu; tudu montis ku jius e munda di se lugar.