Abakuk 2:5 - BIBLIA - traduson antigu in Krioulo

⁵ Ki omi injustu, suma ki ta bibi biñu ciu, i ka fiel. I sedu orgulyosu, i ka ta farta; si diseẑu i garandi suma simiteriu; i sta suma mortu ku ka ta farta; i ta junta manga di nason pa el, i leba tudu rasas pa katiberasku.

Abakuk 2:5 ပူးပေါင်းရင်းမြစ်များ

2 Reis 14:10

Na bardadi bu ngaña riba di edomeus; orgulyu inci bu korson. Fika na kasa, bu kontenti ku ki gloria. Pabia di ke ku bu na miti na mal, pa bu kai, tudu ku Judá?”

Salmus 138:6

SIÑOR sta riba, ma i ta jubi pa jinti umildi; i kunsi orgulyosus di lunju.

Ditus 20:1

Biñu i trosadur; bibida forti i ta tisi baruju. Kin ku sta nganadu pa biñu, nunka i ka na jiru.

Ditus 21:24

Ki algin orgulyosu ku ta pensa kuma i algin, si nomi i Trosadur. I ta mostra sempri orgulyu ku falta di pasensa.

Ditus 27:20

Nfernu ku mundu di mortus ka ta farta, suma ku uju di omi ka ta farta.

Eklesiastis 5:10

Kil ku gosta di diñeru, nunka diñeru ka ta cigal; kil ku gosta di rikesa, si rindimentu nunka ka ta cigal. Es tambi i bakatela.

Isaias 14:6

I ta kastigaba nasons ku raiba, ku golpis ku ka ta para, i na mandaba na nasons ku raiba ku pirsigison, sin ningin ku pudi tujil.

Isaias 16:6

No obi di orgulyu di Moab, manera ki orgulyosu dimas; i ta yalsa kabesa ku ronku, i ta njuti utrus, ma i ta njata amonton.

Isaias 2:17

Orgulyu di omi na batidu; ronku di omi na baŝadu. Son SIÑOR ku na yalsadu na ki dia.

Isaias 21:5

E pui mesa, e distindi tapetis, e na kume, e na bibi. Abos ŝefis, bo lanta, bo purpara tajaderas!

Isaias 5:14

Mundu di mortus misti kume kada bias mas, i yabri si boka dimas. Jinti di rispitu na ria nel, ku manga di jinti ku na somna na se parodia.

Isaias 5:8

Ai di kilis ku na ranja manga di kasa, e na buri kada bias mas terenu, tok utru lugar ka ten; elis son ku na mora na tera!

Jeremias 25:9

N na manda buska tudu nasons di norti, tudu ku ña servu Nabukodonosor, rei di Babilonia, N na tisi elis kontra e tera ku si moraduris, ku tudu nasons ku sta na roda. N na dana elis tudu, N pui elis pa e sedu un spantu ku danu ku trosa pa sempri.” Asin ku SIÑOR fala.

Jeremias 50:29

“Bo coma kontra Babilonia tudu omis ku ta usa mansasa; bo taja prasa di volta pa ka ningin kapli. Bo pagal, bo fasil konformi tudu ki fasi, pabia i yanda ku orgulyu kontra SIÑOR, Deus santu di Israel.

Jeremias 51:39

Ora ke sta ben dispostu, N na fasi festa, N na caminti elis pa e kontenti, e jukuta; dipus e na durmi un sonu fundu; nunka mas e ka na korda. I ami, SIÑOR, ku fala.

Abakuk 1:15

Inimigu ta lantanda elis tudu ku ansol, i ta paña elis ku si ridia, i junta elis, i rasta elis na kambua; i ta fika alegri i kontenti.

Abakuk 1:17

Nta i na fika i tira kusa na si ridia? I na kontinua mata nasons pa sempri?

Abakuk 2:4

“Jubi, i inci di orgulyu, si korson i ka retu, ma omi justu i na vivi pabia i sedu fiel.

1 Tesalonisensis 4:11

Bo buska tene un vida susegadu, bo trata di bo propi nogos, bo tarbaja ku bo mon propi, suma ku no manda bos ja.

Tiagu 4:6

Ma fabur ku Deus da i mas garandi. E ku manda Skritura fala: “Deus i sta kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”