Abakuk 2:4 - BIBLIA - traduson antigu in Krioulo

⁴ “Jubi, i inci di orgulyu, si korson i ka retu, ma omi justu i na vivi pabia i sedu fiel.

Abakuk 2:4 ပူးပေါင်းရင်းမြစ်များ

Salmus 49:18

Nin ki pensa kuma el i sortiadu na si vida, manera ku jinti ta ngabal pabia kusas na kuril diritu,

Isaias 13:11

N na kastiga mundu pabia di si maldadi, ku jinti mau pabia di se pekadu. N na bati kilis ku ta yalsa kabesa; N na kaba ku orgulyu di jinti ku ta manda ku forsa.

Ezekiel 18:9

E tipu di omi justu ku na yanda konformi ña regras, ku na obdisi ña leis na bardadi, i na bibu. Asin ku SIÑOR Deus fala.

Daniel 11:12

Dipus ki leba ki multidon prezu, korson di rei di sul na inci orgulyu. I na mata manga di milyaris, ma si vitoria ka na tarda,

Daniel 4:30

i fala: “Jubi e garandi Babilonia! I ami ku kumpul suma residensia pa rei, ku ña forsa ku puder, pa mostra gloria di ña garandesa.”

Daniel 4:37

Gosi ja, ami, Nabukodonosor, N ngaba Rei di seu, N garandisil, N dal gloria, pabia tudu ki fasi i diritu; si kamiñus i justu. I pudi baŝa kilis ku ta yanda na orgulyu.

Lukas 18:14

“N na fala bos kuma e kobradur i bai pa si kasa limpu di si pekadu, ma ki utru nau, pabia kil ku yalsa si kabesa i ta baŝadu; kil ku baŝa si kabesa i ta yalsadu.”

Bon Noba di Jesus Kristu ku Jon 3:36

Kin ku seta Fiju i ta tene vida ku ka ta kaba, ma kin ku ka seta Fiju i ka ta oja vida; kastigu di Deus na fika riba del.

Romanus 1:17

I ta mostra kuma ku Deus ta fasi algin justu si dianti. Di kumsada te fin i son pa fe, suma ki sta skritu na palabra di Deus: “Omi justu i na vivi pabia di si fe.”

Gálatas 2:16

ma suma no sibi kuma omi i ka fasidu justu pabia i fasi kil ku lei fala, ma pa fe na Jesus Kristu, anos tambi no seta Jesus Kristu pa no pudi fasidu justu pa fe nel; i ka pabia no fasi kil ku lei fala. Ningin ka pudi fasidu justu pabia i fasi kil ku lei fala.

2 Tesalonisensis 2:4

I na sedu inimigu ku na lanta kontra tudu ku comadu deus, ku tudu kusa ku ta adoradu, tok i na yentra, i sinta na templu di Deus, pa i mostra kuma el i Deus.

Ebreus 10:38

Kil ku sedu justu i na vivi pabia di si fe. Si i rakua, N ka na kontenti ku el.”

1 Pedru 5:5

Asin tambi abos jovens, bo baŝa pa mas bejus. Abos tudu, bo baŝa pa ŋutru. Bo kubri ku umildadi suma ropa, pabia, suma ku Skritura fala, “Deus i kontra jinti ku ta yalsa se kabesa, ma i ta mostra fabur pa kilis ku ta baŝa se kabesa.”