Abakuk 2:15 - BIBLIA - traduson antigu in Krioulo

¹⁵ “Ai di kil ku ta da bibida pa si kumpañer! Abo ku ta cigantal bu garafa tok i cami, pa bu pudi oja si kurpu nun,

Abakuk 2:15 ပူးပေါင်းရင်းမြစ်များ

Kumsada 9:22

Kan, ku sedu pape di Kanaan, oja manera ku si pape staba nun; i bai konta si dus ermon la fora.

2 Samuel 11:13

Davi kumbidal; i bai kume i bibi ku el; Davi camintil, ma di tardi Urias sai, i bai dita na si stera ku servus di rei; i ka bai pa kasa.

Saida 32:25

Moisés oja kuma pobu staba ja diskontroladu, pabia Aron disa elis e na yanda suma dudus; i bin sedu borgoña pa elis dianti di se inimigus.

Isaias 28:7

Mesmu saserdotis ku anunsiaduris na singa-singa pabia di biñu, e sta na kunfuson pabia di bibida forti. Anunsiaduris ta bibi biñu tok e ka pudi ntindi vison ku Deus da elis; saserdotis ta bibi tok e ta ntrumpi na julga.

Isaias 28:8

Tudu mesas inci ku ramasadura; i ka ten kau ku ka tene susidadi.

Isaias 5:22

Ai di kilis ku sedu ŝef di bibiduris, ku sedu forti pa jagasi bibida!

Jeremias 25:15

Asin ku SIÑOR, Deus di Israel, falan: “Toma na ña mon e kopu ku inci biñu di ña raiba, bu pui tudu nasons ku N mandau pa el pa e bibi.

Jeremias 51:7

Babilonia i seduba kopu di uru na mon di SIÑOR, ku camintiba tudu mundu. Nasons bibi si biñu, e bida dudu.

Oseias 7:5

Na dia di festa di no rei, kabesa di ŝefis kumsa na yardi pabia di forsa di biñu; rei junta mon ku kilis ku na fasi trosa.

Abakuk 2:14

Ma mundu na inci ku kuñisimentu di gloria di SIÑOR suma yagu ta kubri mar.

Abakuk 2:16

abo propi bu na inci borgoña, bu na pirdi bu rispitu. Bibi, abo tambi, tok bu mbala. Kopu di kastigu na mon direita di SIÑOR i na bin pa bo; ramasadura di borgoña na kai riba di bu gloria.

Apokalipsi 17:2

I el ku reis di tera ta pekaba ku el. Jinti di mundu ntidu camiba ku biñu di si mau vida.”

Apokalipsi 17:6

N oja kuma ki minjer cami ku sangi di pobu di Deus, ku sangi di kilis ku matadu pabia e da tustumuñu di Jesus. Oca N ojal, N pasma ku garandi dimirason.

Apokalipsi 18:3

Tudu nason bibi biñu di raiba di si mau vida. Reis di mundu peka ku el. Nogosiantis di mundu bida riku na manga di ronku di puku borgoña.”