Abakuk 2:10 - BIBLIA - traduson antigu in Krioulo

¹⁰ Manera ku bu kaba ku manga di nason, bu tisi borgoña riba di bu kasa, bu pui bu propi vida na pirigu.

Abakuk 2:10 ပူးပေါင်းရင်းမြစ်များ

1 Reis 2:23

Dipus i jurmenta na nomi di SIÑOR, i fala: “Deus na kastigan risu si Adonias ka paga ku si vida pa e pididu ki fasi.

2 Reis 10:7

Oca ku karta ciga nunde elis, e toma ki setenta rapas, e mata elis tudu, e pui se kabesas na balais, e manda elis pa Jizreel.

2 Reis 9:26

‘Aonti di tardi N oja sangi di Nabot ku di si fijus. Asin, di sertesa, N na kobrau ki sangi ne terenu propi. Es i palabra di SIÑOR.’ Asin, bu ta tomal, bu botal ne terenu, konformi palabra di SIÑOR.”

Ditus 1:18

Ki jinti e ta monta mboskada kontra se propi kabesa, e na montia se propi vida.

Ditus 20:2

Raiba di rei i suma gritu di lion. Kil ku lantandal, i na pui si vida na pirigu.

Ditus 8:36

Kil ku peka kontra mi i dana si propi vida; tudu kilis ku aburisin e misti mortu.”

Isaias 33:11

Planus ku bo ranja, ku bo pui na pratika, i suma paja. Bo folgu i fugu ku na kaba ku bos.

Jeremias 22:30

Asin ku SIÑOR fala: “Reẑista e omi suma algin ku ka tene fiju, omi ku kusas ka na kuri diritu na si vida, nin e ka na kuri diritu ku si fijus. E ka na sinta na tronu di Davi, nin e ka na rena mas na Judá.”

Jeremias 26:19

Nta Ezekias, rei di Judá, ku pobu di Judá, e mata Mikeias? Ezekias i ka bin sinti medu di SIÑOR? I ka bai pidi fabur di SIÑOR? SIÑOR ka bin ripindi di mal ki falaba kontra elis? Ma anos, no na tisi garandi mal riba di no kabesa!”

Jeremias 36:31

N na kastigal, ku si fijus, ku si ŝefis, pabia di se pekadu. N na tisi riba del, ku moraduris di Jerusalen, ku omis di Judá, tudu ki mal ku N papia kontra elis, pabia e ka obdisin.’ ”

Jeremias 44:7

“Asin ku SIÑOR ku ten tudu puder, Deus di Israel, na punta aos: ‘Ke ku manda bo tisi e mal garandi riba di bo kabesa? Bo rinka omis, minjeris, mininus, ku kilis ku na mama, na tera di Judá, pa ka bo bin sobra nin un son.

Naun 1:14

Ninive, SIÑOR da ordi kontra bo, kuma bu ka na tene jorson ku na kontinua bu nomi. Na baloba di bu deus N na kaba ku imaẑens labradu ku idulus fundidu. N na purpara bu kau di nteru, pabia bu mau.

Abakuk 2:16

abo propi bu na inci borgoña, bu na pirdi bu rispitu. Bibi, abo tambi, tok bu mbala. Kopu di kastigu na mon direita di SIÑOR i na bin pa bo; ramasadura di borgoña na kai riba di bu gloria.

Numerus 16:38

suma ke pursentaduba dianti di SIÑOR. Asin i ta toma ki nsensarius di ki omis ku muri pabia di se pekadu, i ta bati elis tok e bida suma fojas finu pa kubri altar. Es i na sedu sinal pa fijus di Israel.”

Mateus 27:25

Tudu pobu ruspundi, e falal: “Kastigu di si mortu pudi kai riba di nos, ku no fijus!”