3 Jon 1:2 - BIBLIA - traduson antigu in Krioulo

² Ña kiridu ermon, N pidi Deus pa tudu kuri ben na bu vida, pa bu tene saudi, suma ku bu alma na bai ben.

3 Jon 1:2 ပူးပေါင်းရင်းမြစ်များ

Mateus 9:12

Jesus obi ki purgunta, i ruspundi: “Kilis ku san e ka pirsisa di mediku, ma son kilis ku sta duenti.

Filipensis 2:27

Na bardadi i staba duenti, kuas pa muri, ma Deus ten pena del; i ka son del, ma tambi di mi, pa ka N ten tristesa riba di tristesa.

Filipensis 2:4

I ka dibi di jubi son pa si interes, ma pa di utru tambi.

2 Tesalonisensis 1:3

Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

2 Tesalonisensis 2:13

Ermons ku Siñor ama, no ten ku fala Deus obrigadu pa bos sempri, suma ki kuji bos disna di kumsada pa salbason, pa Spiritu pudi fasi bos si pobu santu, pabia di bo fe na bardadi.

Tiagu 5:12

Riba di tudu, ña ermons, ka bo jurmenta, nin pa seu, nin pa tera, nin ka bo fasi utru koldadi juramentu. Bo palabra dibi di sedu “Sin” si i sin, “Nau” si i nau, pa ka bo kai na kondenason.

1 Pedru 4:8

Riba di tudu, bo ama ŋutru ku tudu bo korson, pabia amor ta kubri manga di pekadu.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.

3 Jon 1:1

Ami, garandi di igreẑa, N na skirbi pa ña kiridu Gaiu ku N ama na bardadi.

Apokalipsi 2:9

N oja bu kansera ku bu koitadesa, ma bu riku. N obi palabra mau kontra bo di kilis ku fala kuma elis i judeus, ma e ka sedu gora; elis i di kasa di juntamentu di Satanas.