3 Jon 1:11 - BIBLIA - traduson antigu in Krioulo

¹¹ Ña kiridu ermon, ka bu remenda kusa mau, ma son kil ki bon. Algin ku ta fasi ben i di Deus, ma kil ku ta fasi mal i ka oja Deus.

3 Jon 1:11 ပူးပေါင်းရင်းမြစ်များ

Salmus 34:14

Lunjusi di mal, bu fasi kil ki bon; buska pas, bu yanda nel.

Salmus 37:27

Lunjusi di mal, bu fasi ben; asin bu morada na sedu suguru pa sempri,

Saida 23:2

“Ka bu pega tras di maioria pa fasi mal. Si bu na da tustumuñu na tribunal, ka bu toma parti ku maioria ku na konta mintida, pa justisa pudi sai tortu.

Ditus 12:11

Kil ku labra si con ta bin farta ku kumida, ma kil ku ta kuri tras di ideias bakatela i tulu.

Bon Noba di Jesus Kristu ku Jon 10:27

Ña karnel ta obi ña vos; ami N kunsi elis; e ta sigin.

Bon Noba di Jesus Kristu ku Jon 12:26

Kin ku na sirbin pa i sigin. Nunde ku N sta nel, ña servu na sta la tambi. Si algin sirbin, ña Pape na onral.

Bon Noba di Jesus Kristu ku Jon 3:20

Tudu kilis ku ta fasi mal e ka ta gosta di lus, ma e ta libra del, pa kusas mau ke ta fasi ka ojadu.

1 Koríntius 11:1

Bo remendan, suma ku N ta remenda Kristu.

1 Koríntius 4:16

E ku manda N na pidi bos pa bo remendan.

Efésius 5:1

Suma bo sedu fijus ku Deus ama, bo fasi forsa pa parsil.

Filipensis 3:17

Ermons, bo ba ta remendan. Bo jubi pa kilis ku na yanda na manera ku no mostra bos.

1 Tesalonisensis 1:6

Abos bo sigiba no isemplu, ku di Siñor. Kontudu bo sufri ciu, bo risibi palabra ku kontentamentu ku Spiritu Santu da bos.

1 Tesalonisensis 2:14

Ermons, un mesmu kusa ku kontisi ku bos i el ku kontisi ku igreẑas di Deus na Judeia, ku sedu di Kristu Jesus, pabia bo sufri mesmu pirsigison di bo pobu suma ku elis e sufri di judeus

2 Timótiu 3:10

Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

Ebreus 6:12

No ka misti pa bo bin sedu prigisosu, ma pa bo remenda kilis ku na risibi kil ku Deus purmiti, pabia di se fe ku pasensa.

1 Pedru 3:11

pa i da kosta pa mal, i fasi ben, pa i buska pas, i sigil.

1 Pedru 3:13

Kin ku na fasi bos mal si bo ten mpeñu di fasi ben?

1 Jon 2:29

Si bo sibi kuma el i justu, bo sibi kuma tudu kin ku ta fasi kusa diritu i si fiju.

1 Jon 3:10

I es ku ta mostra fiju di Deus ku fiju di diabu: Kil ku ka ta fasi kusas diritu, ku ka ama si ermon, i ka di Deus.

1 Jon 4:1

Ña kiridu ermons, ka bo fia na tudu jinti ku fala kuma e tene Spiritu di Deus, ma bo proba elis pa jubi si na bardadi ki spiritu bin di Deus, pabia i ten manga di anunsiadur falsu ku lanta na mundu.