2 Timótiu 4:8 - BIBLIA - traduson antigu in Krioulo

⁸ Gosi pa dianti koroa na peran, ku sedu premiu di un vida puru, ku Siñor, justu juis, na dan na ki dia. I ka ami son, ma tambi tudu kilis ku se korson na pera ora ki na bin.

2 Timótiu 4:8 ပူးပေါင်းရင်းမြစ်များ

Kumsada 18:25

I ka pudi sedu pa bu fasi kusa suma es, bu mata justus juntu ku jinti mau! Nta algin justu i ta tratadu suma algin mau? I ka pudi sedu! Nta Juis di tudu mundu i ka ta fasi kusa diritu?”

Salmus 31:19

Ki bu bondadi ku bu guarda pa kilis ku rispitau, i garandi; el ku bu ta mostra, dianti di tudu jinti, pa kilis ku fiansa na bo.

Salmus 7:11

Deus i justu na si julgamentu, i ta sinti raiba kada dia.

Ditus 4:9

I na dau koroa di gloria pa faja bu kabesa.”

Malakias 3:17

SIÑOR ku ten tudu puder fala: “Elis e na sedu di mi; na ki dia ku N marka, e na sedu ña rikesa spesial; N na guarda elis suma ku omi ta guarda si fiju ku ta sirbil.

Mateus 24:36

“Ningin ka sibi di ki dia ku ora, nin anjus di seu, nin Fiju di Deus; son ña Pape ku sibi.

Mateus 7:22

Manga delis na puntan na ki dia: ‘Siñor, Siñor, no ka anunsia na bu nomi? No ka serka dimonius na bu nomi? No ka fasi manga di milagri na bu nomi?’

Lukas 10:12

N na fala bos kuma, Deus na mas ten pena di Sodoma na ki dia di ki di ki prasa.

Romanus 2:5

Manera ku bu korson i duru, i ntemus, bu na buri raiba riba di bo na dia ku Deus na mostra si raiba ku si justu juisu.

Romanus 8:23

I ka el son, ma anos tambi ku risibi purmeru pursenti di Deus, ku sedu si Spiritu, no na jimi dentru di nos, suma ku no na pera pa Deus fasinu si fijus, pa i libra no kurpu.

1 Koríntius 2:9

Suma ki sta skritu: “Kusas ku uju ka oja, oreja ka obi, nin i ka yentraba na korson di jinti, i ki kusas ku Deus purpara pa kilis ku amal.”

1 Koríntius 3:13

Dia di Kristu na mostra klaru tarbaju di kada kin. I fugu ku na mostral; ki fugu na proba tarbaju di kada kin pa jubi i kal koldadi.

1 Koríntius 9:25

Tudu kil ku ta luta i ta pui disiplina forti na si kurpu pa i pudi ngaña premiu di koroa di floris ku ka ta tarda, ma anos no na luta pa kil ku ka ta dana nunka.

2 Koríntius 5:2

Ne no kurpu li no na jimi, ku garandi vontadi pa no bistidu ku no morada di seu.

Filipensis 3:11

pa N jubi si N ta yangasa resureison di mortu.

Kolosensis 1:5

E fe ku amor e bin di speransa ku sta guardadu pa bos na seu. Bo obi de speransa oca ku palabra di bardadi di Bon Noba ciga pa bos,

1 Tesalonisensis 1:10

tambi pa pera si Fiju ku na bin di seu, ku sedu Jesus, ku Deus lantanda di mortu, ku na libranu di raiba di Deus ku na bin.

1 Tesalonisensis 5:4

Abos, ermons, bo ka sta na sukuru pa ki dia paña bos suma ladron.

2 Tesalonisensis 2:8

Dipus, ki malvadu na parsi, ma ora ku Siñor Jesus bin, i na matal ku folgu di si boka; i na kaba ku el ku lus ku na lampra ora ki na bin.

1 Timótiu 6:19

Asin e ta junta pa se kabesa un rikesa ku ta sedu bon alisersu pa mas dianti, e yangasa vida di bardadi.

2 Timótiu 1:10

ma gosi i mostradu klaru suma ku no Salbadur Kristu Jesus bin bin mundu. El i kaba ku puder di mortu; na Bon Noba i mostranu vida ku ka na kaba mas.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

2 Timótiu 1:18

Siñor ta obin, i ta mostra miserikordia pa el na ki dia. Abo bu sibi muitu ben kantu tarbaju ki fasi pa mi na Éfesu.

2 Timótiu 2:5

Tambi un lutadur ka ta risibi premiu si i ka luta diritu, suma ki regra di lutu.

2 Timótiu 4:1

Dianti di Deus, ku Kristu Jesus ku ten ku julga bibus ku mortus, pabia i ten ku bin pa rena, N mandau

Titu 2:13

kontra no na pera ki dia alegri ku no pui no speransa nel, ku gloria di no garandi Deus Salbadur, Jesus Kristu, na parsi.

Ebreus 12:11

Na bardadi, nin un kastigu ka ta sabi na ki ora; i ta punu tristi, ma mas tardi i ta da bon frutu di pas na kilis ku kriadu nel, pa e tene vida limpu.

Ebreus 9:28

Asin tambi Kristu da si vida un bias pa tira pekadu di manga di jinti. I na parsi sugundu bias; i ka pa trata di pekadu, ma pa salba kilis ku na peral.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

1 Pedru 1:4

Asin, no pudi yentra na un yardansa ku ka ta podri, i ka ta dana, i ka ta murca, ku rakadadu na seu pa bos.

1 Pedru 5:4

Ora ku Ŝef di Pastoris bin, bo na risibi koroa di gloria ku ka ta murca.

Apokalipsi 1:7

Bo jubi, i na bin ku nuvens. Tudu jinti na ojal, te kilis ku furalba kurpu. Tudu rasas na mundu na cora riba del. Asin ki na sedu. Amen.

Apokalipsi 19:11

N oja seu yabri; i staba la un kabalu branku. Kil ku monta nel i coma: “Fiel i di Bardadi.” El i justu na julgamentu, tambi na gera.

Apokalipsi 2:10

Ka bu medi kil ku bu na bin sufri. Diabu na bota utru di bos na kalabus, pa proba bos. Kansera na bin pa bos pa des dia. Fika fiel te na mortu; N ta dau koroa di vida.

Apokalipsi 22:20

Kil ku da tustumuñu de kusas i fala: “Es i palabra sertu; N ka na tarda pa bin.” Amen. Siñor Jesus, bin!

Apokalipsi 4:10

ki vinti i kuatru omi garandi ta mborkaba dianti di kil ku sta sintadu na tronu; e ta adoraba kil ku na bibu pa tudu sempri; e ta ditanda se koroas dianti di tronu, e ta fala:

Apokalipsi 4:4

I staba tambi na roda di ki tronu mas vinti i kuatru tronu. Na ki tronus N oja vinti i kuatru omi garandi sintadu; e bisti tudu di branku, ku koroa di uru na kabesa.