2 Timótiu 3:14 - BIBLIA - traduson antigu in Krioulo

¹⁴ ma abo, kontinua na ki kusas ku bu nsinadu, ku bu ten sertesa nel. Lembra di kin ku nsinau,

2 Timótiu 3:14 ပူးပေါင်းရင်းမြစ်များ

Atus 17:31

pabia i marka un dia ki na bin julga mundu ku justisa, na mon di un omi ki distina pa i fasil. I da tudu jinti sertesa di kuma i na sedu, oca i lantanda ki omi na metadi di mortus.”

Romanus 14:5

Un ta diferensia dias, ma utru ta oja kuma tudu dia i mesmu. Kada kin dibi di ten sertesa na si kabesa propi.

Kolosensis 2:2

pa se korson pudi inci di bon animu, pa e sedu unidu na amor, pa e rikusidu na garandi ntindimentu, pa e ten tudu kuñisimentu di sigridu di Deus. E sigridu i Kristu propi,

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Timótiu 4:16

Toma sintidu ku bu kabesa, ku kil ku bu na nsina. Kontinua ne kusas, pabia si bu na fasi asin, bu ta salba bu kabesa, ku kilis ku na obiu.

2 Timótiu 1:13

Pega tesu na palabra di bardadi ku N nsinau, pabia i isemplu pa bo. Fika na fe ku amor ku no ten na Kristu Jesus.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

2 Timótiu 3:15

kuma disna di bu mininesa bu sibi Skritura Sagradu ku pudi fasiu jiru pa salbason pa fe na Kristu Jesus.

Titu 1:9

I ten ku pega na palabra sertu di nsinamentu, pa i pudi ten puder pa konsija ku nsinamentu di bardadi, suma tambi pa mostra eru di kilis ku sta kontra el.

Ebreus 10:22

no ciga pertu ku korson limpu, ku garandi sertesa di fe, ku korson purifikadu di konsiensia mau, ku kurpu labadu ku yagu limpu.

Ebreus 6:11

I no vontadi pa kada un di bos mostra mesmu interes te na fin, pa bo pudi yangasa kusas ku bo na pera.