2 Timótiu 3:10 - BIBLIA - traduson antigu in Krioulo

¹⁰ Ma abo, bu rapara sempri ña nsinamentu, manera di yanda, sintidu ku N ten, fe, pasensa, amor, firmesa,

2 Timótiu 3:10 ပူးပေါင်းရင်းမြစ်များ

Daniel 1:8

Daniel pui na si sintidu pa ka i kontamina ku kumida di rei, nin ku ki biñu ki ta bibi. Asin i pidi ŝef di funsionarius lisensa pa ka i kontamina.

Lukas 1:3

Asin, Siñor, manera ku N punta tok N paña pe di tudu e kontisimentus disna di kumsada, N oja kuma N dibi di skirbiu pa N kontau na ordi,

Atus 11:23

Oca i ciga, i oja kuma Deus na tarbaja la, i fika kontenti, i konsija elis pa e pega tesu na Siñor ku tudu se korson.

Atus 2:42

E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason.

Atus 20:18

Oca ke ciga, i fala elis: “Abos bo sibi diritu kal manera ku N pasa ku bos tudu tempu ku N staba na bo metadi, disna di purmeru dia ku N ciga na reẑion di Asia.

Atus 26:4

“Tudu judeus sibi kuma ku N yanda disna di pikininu, na kumsada di ña vida la na metadi di ña pobu, suma tambi na Jerusalen.

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

2 Koríntius 1:17

Es i kalkulu ku N fasiba. Nta N torna rabidal sin pensa? O si N na fasi ña planu, N ta fasil na ña vontadi suma jinti di mundu, pa N fala “Sin sin” ku “Nau Nau” na mesmu tempu?

Efésius 4:14

pa ka no sedu mas mininu ku ta boia na maron, ku ta lebadu na tudu urdumuñu di nsinamentu di omis ku ta ngana jinti ku astusias di tarpasa,

Filipensis 2:20

El i uniku ku ten sintidu suma mi, ku ta ten interes di bardadi pa bos.

Filipensis 2:22

Abos propi bo sibi kuma ki da proba di si balur, manera ki tarbaja ku mi na sirvis di Bon Noba suma fiju ku si pape.

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Timótiu 1:3

Oca ku N na baiba pa Masedonia, N rogau pa bu fika na Éfesu, pa manda sertu jinti pa e para ku nsinamentus falsu,

1 Timótiu 4:6

Si bu da e nsinamentu pa ermons, bu na sedu bon servu di Kristu Jesus. Abo propi bu na alimenta ku palabra di fe, ku bon nsinamentu ku bu na sigi.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

2 Timótiu 2:22

Libra di diseẑu forti di nobresa, bu buska yanda diritu, ku fe, amor ku pas, juntu ku kilis ku ta coma nomi di Siñor ku korson puru.

2 Timótiu 4:2

pa bu konta palabra di Deus; si tempu i bon o i ka bon, ntema nel. Raprindi, bu kuriẑi, bu anima, bu nsina ku tudu pasensa.

2 Timótiu 4:3

Tempu na bin ke ka na seta bon nsinamentu, ma e na sigi se vontadi propi; e na junta manga di pursor ku na konta elis kusas ku se oreja na kosa elis pa obi.

2 Timótiu 4:7

N luta bon lutu, N kaba ña kurida, N guarda fe.

Titu 2:7

Abo propi, bu ten ku sedu isemplu na tudu, ku bon tarbaju ku bu na fasi. Na bu nsinamentu bu ten ku sedu seriu, sinseru;

Ebreus 13:9

Ka bo disa manga di koldadi nsinamentu strañu tira bos na bo kamiñu. I mas bon pa no korson risibi forsa di grasa di Deus te pa sigi regras di kumida, ku ka tisi nin purbitu pa kilis ku na yandaba di ki manera.

2 Pedru 3:11

Suma ku tudu e kusas ten ku pajigadu, kal koldadi jinti ku bo dibi di sedu? Bo dibi di tene vida limpu, son pa Deus,