2 Timótiu 2:9 - BIBLIA - traduson antigu in Krioulo

⁹ Pabia di konta e Bon Noba ku manda N na sufri, tok N pudu korenti, suma kin ku fasi mal, ma palabra di Deus ka sta maradu.

2 Timótiu 2:9 ပူးပေါင်းရင်းမြစ်များ

Lukas 23:32

Tambi e leba utru dus omi ku seduba kriminosu, pa e muri juntu ku Jesus.

Atus 21:33

Kumandanti ciga, i prindil, i manda maral ku dus korenti, i punta: “Es omi i kin? Ke ki fasi?”

Atus 28:31

i ta konta elis palabra di renu di Deus, i ta nsina elis kusas di Siñor Jesus Kristu, ku tudu liberdadi, sin ningin tujil.

Atus 9:16

Ami propi N na mostral kantu kusas ki ten ku sufri pabia di ña nomi.”

Efésius 3:1

Pabia di kila, ami Paulu, katibu di Kristu Jesus pabia di bos jintius, N ora Deus.

Filipensis 1:17

Ki utrus ka ta konta aserka di Kristu ku korson limpu, ma ku spiritu di kumbosadia. E kuda kuma e na lantanda mas fadiga pa mi na kalabus.

Filipensis 1:7

N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma parti na mison ku Deus dan, tantu na kalabus suma ora ku N na difindi pa firmanta bardadi di Bon Noba.

Kolosensis 4:18

I ami ku na skirbi es ku ña mon: Manteña di mi Paulu. Bo lembra kuma N sta prezu. Fabur di Deus ta sta ku bos. Amen.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

1 Tesalonisensis 1:8

Palabra di Siñor sai di bos, i obidu; i ka son na Masedonia ku Akaia, ma tambi na tudu lugar, noba di bo fe na Deus i ciga na oreja di jinti, tok no ka ten mas nada di fala,

2 Tesalonisensis 3:1

Pa kabanta, ermons, bo ora pa nos, pa palabra di Siñor spaja rapidu, pa i dadu balur, suma ki dadu na bo metadi.

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

2 Timótiu 1:16

N ta pidi pa Siñor mostra miserikordia pa familia di Onesíforu, pabia manga di bias i animan. I ka burguñu suma N sta na kalabus,

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

2 Timótiu 2:3

Toma bu parti na sufrimentu suma bon soldadu di Kristu Jesus.

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

1 Pedru 2:12

Bo yanda diritu na metadi di kilis ku ka kunsi Deus. Asin, ora ke na koba bos mal suma kin ku ta fasi mal, e pudi rapara bon tarbaju ku bo na fasi, e ta ngaba Deus na dia ki na visitanu.

1 Pedru 2:14

o gubernaduris ku rei manda pa e kastiga kilis ku ta fasi mal, pa ngaba kilis ku ta fasi ben.

1 Pedru 3:16

ku bon sintidu, pa ora ku bo kobadu, kilis ku na fala mal di bo bon manera di yanda ku Kristu e ta burguñu.

1 Pedru 4:15

Ka nin un di bos sufri pabia i sedu matadur o ladron o kil ku ta fasi mal, o suma kin ku ta miti na asuntu di jinti,