2 Timótiu 2:3 - BIBLIA - traduson antigu in Krioulo

³ Toma bu parti na sufrimentu suma bon soldadu di Kristu Jesus.

2 Timótiu 2:3 ပူးပေါင်းရင်းမြစ်များ

Atus 23:31

Suma soldadus dadu ordi, e toma Paulu, e lebal di noti pa Antipatris.

1 Koríntius 13:7

I ta sufri tudu; si fe, si speransa ku si pasensa nunka ka ta kaba.

1 Koríntius 9:7

Kal soldadu ku ta paga dispesa pa si kabesa nkuantu i sta na tropa? Kin ku ta fasi orta, i ka ta kume si frutu? Kin ku ta bakia limarias, i ka ta purbita se liti?

2 Koríntius 1:6

Si no sufri, i pa bo sedu animadu, pa bo pudi ten salbason. Si no animadu, abos tambi bo animadu, bo ta dadu forsa pa nguenta ku pasensa mesmu sufrimentu ku anos tambi no nguenta.

1 Timótiu 1:18

Ña fiju Timótiu, N pui e kargu riba di bo, konformi palabras di rekadu di Deus ku daduba aserka di bo. Usa ki palabras suma arma pa fasi bon gera.

2 Timótiu 1:1

Ami Paulu, apostolu di Kristu Jesus pa vontadi di Deus, ku ta konta aserka di vida ku Deus fala i na da, ku sta na Kristu Jesus,

2 Timótiu 1:8

Asin, ka bu sinti borgoña di testifika di no Siñor, nin di mi ku sta prezu pa amor del, ma toma parti na sufrimentu pabia di Bon Noba konformi Deus danu forsa.

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

2 Timótiu 2:9

Pabia di konta e Bon Noba ku manda N na sufri, tok N pudu korenti, suma kin ku fasi mal, ma palabra di Deus ka sta maradu.

2 Timótiu 3:11

pirsigison ku sufrimentu ku N pasa. Bu sibi tudu ku N pasa na Antiokia, Ikóniu ku Listra. Kantu pirsigison ku N nguenta la, ma Deus libran di tudu!

2 Timótiu 4:5

ma abo, fika kalmu na tudu ku na kontisi, bu sufri kansera, bu fasi tarbaju di un ivanjelista, bu fasi tudu sirvis ku bu comadu pa el.

Filemon 1:2

ku no irma Afia, ku Arkipu no kumpañer soldadu, ku igreẑa ku sta na bu kasa.

Ebreus 10:32

Bo lembra di dias ku pasa. Na ki tempu, dipus ku bo risibi lus, bo fika firmi na garandi luta di kansera.

Ebreus 11:27

I fe ku pul i sai na Ejitu, i ka medi raiba di rei. I fika firmi suma kin ku na oja Deus ku ka ta ojadu.

Ebreus 6:15

Abraon pera ku pasensa, i yangasa kil ku Deus fala i na da.

Tiagu 1:12

Sortiadu un algin ku nguenta tentason, i fika fiel, pabia, dipus di pasa proba, i ta risibi premiu ku sedu vida ku Deus fala i na da kilis ku amal.

Ŝefis 3:2

I fasi es son pa pudi nsina gera pa ki fijus di israelitas ku nunka ka spurmentaba gera.