2 Timótiu 2:24 - BIBLIA - traduson antigu in Krioulo

²⁴ Servu di Siñor ka dibi di jusia, ma pa i sedu bon ku tudu jinti, bon pursor, ku ten pasensa,

2 Timótiu 2:24 ပူးပေါင်းရင်းမြစ်များ

2 Kronikas 24:6

Rei manda coma Jeoiada, se ŝef, i puntal: “Pabia di ke ku bu ka pui levitas pa e tisi mpustus di Judá ku Jerusalen, ku Moisés, servu di SIÑOR, manda pa pobu tisi pa tarbaju di tenda di juntamentu?”

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Daniel 6:20

Oca ki ciga pertu di koba, i coma Daniel ku vos tristi, i falal: “Daniel, servu di Deus bibu! Nta bu Deus ku bu ta sirbi sempri, i seduba kapas di librau di lions?”

Mateus 12:19

I ka na jusia nin i ka na bin grita; ningin ka na obi si fála na rua.

Bon Noba di Jesus Kristu ku Jon 6:52

Ŝefis di judeu na diskutiba entri elis, e na punta: “Kuma ku el i pudi danu si karni pa no kume?”

Atus 15:2

Paulu ku Barnabé bin ten garandi diskutison ku jus ku elis. Jinti di igreẑa rezolvi kuma Paulu ku Barnabé ku utrus di Antiokia ta bai pa Jerusalen pa bai ruma e kombersa ku apostolus ku garandis.

Atus 23:9

Asin i bin ten garandi baruju. Utru pursoris di lei lanta na parti di fariseus, e na purfia ku tudu forsa, e fala: “No ka oja nin un mal ne omi. Si i spiritu o anju ku fala ku el, ka no geria kontra Deus.”

Atus 7:26

Sol mansi, i oja dus israelita na geria; i misti pui pas na se metadi. I fala elis: ‘Omis, bo sedu ermons. Ke ku manda bo na maltrata ŋutru?’

2 Koríntius 10:1

Ami Paulu, N na roga bos, ami ku jinti fala kuma, ora ku N sta ku bos, N ta mansu, ma si N sta lunju, N ta sedu brabu pa bos. N na pidi bos, pa mansesa ku bondadi di Kristu,

2 Koríntius 10:4

Armas ku no ta geria ku el e ka sedu suma kilis di mundu, ma i arma ku ten puder di Deus pa kebra muras forti.

2 Koríntius 6:4

Na tudu ku no ta pasa, no ta mostra kuma no sedu servus di Deus, manera ku no ta sufri ku pasensa na fadiga, na falta, na kasabi.

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Efésius 4:2

ku tudu umildadi, mansesa ku pasensa. Bo nguenta ŋutru ku amor.

Ripitison di Lei 34:5

Asin Moisés, servu di SIÑOR, muri la na tera di Moab, konformi kil ku SIÑOR fala.

Filipensis 2:14

Bo fasi tudu kusa sin keŝa o diskuti,

Filipensis 2:3

Ka bo fasi nada ku spiritu di kumbosadia o di garandesa, ma ku umildadi kada kin dibi di oja si kumpañer mas di ki el.

Kolosensis 3:13

Bo nguenta ŋutru, bo purda ŋutru si algin ten keŝa kontra utru; suma ku Siñor purda bos, bo fasi asin tambi.

1 Tesalonisensis 2:7

Ocanuba ku bos, no sedu di pasensa, suma mame ku na kria si fiju ku mimu.

1 Timótiu 6:11

Abo, omi di Deus, libra de kusas, bu sigi justisa, un vida suma ku Deus misti, ku fe, amor, firmesa, ku mansesa.

Titu 1:1

E karta i di mi, Paulu, servu di Deus, apostolu di Jesus Kristu, ku mandadu pa juda na fe di kilis ku Deus kuji, pa leba elis pa kunsi bardadi konformi no fe,

Titu 1:7

pabia presbiteru ku sedu nkargadu di kasa di Deus i dibi di sedu sin kulpa; i ka dibi di sedu kunfiadu, nin algin ku ta lestu di paña raiba, nin ku ta bibi ciu, nin sutadur, nin ku ta faima pa diñeru.

Titu 1:9

I ten ku pega na palabra sertu di nsinamentu, pa i pudi ten puder pa konsija ku nsinamentu di bardadi, suma tambi pa mostra eru di kilis ku sta kontra el.

Titu 3:2

pa ka e fala mal di ningin, ka e buska palabra, ma pa e mostra pasensa, e sedu mansu pa tudu jinti.

Tiagu 1:1

Ami Tiagu, servu di Deus ku Siñor Jesus Kristu, N na manda manteña pa dozi jorson di Israel ku spaja na mundu.

Tiagu 3:17

ma jiresa ku bin di riba, purmeru i ta sedu puru, i ta buska pas, i sedu mansu, ntindidu, i ta mostra pena, ku frutu di bon obras; i ka ta fasi skuju, i ka finjidu.

Tiagu 4:2

Bo ta kubisa; bo ka tene nada. Bo ta mata, bo ta nveẑa; nada bo ka ta yangasa. Bo ta luta, bo ta geria; nada bo ka ta tene pabia bo ka ta pidi.

Josué 1:1

Dipus di mortu di Moisés, servu di SIÑOR, SIÑOR papia ku fiju di Nun, ku sedu Josué, judadur di Moisés, i falal:

1 Pedru 3:8

Pa kabanta, abos tudu bo dibi di tene un pensamentu, bo dibi di sinti di mesmu manera; bo ama ŋutru suma ermons; bo sedu bondosu, tambi bo baŝa pa ŋutru.

Judas 1:3

Amadu ermons, oca N na buska pa skirbi bos aserka di salbason ku no junta, N sinti garandi nesesidadi di skirbi bos logu, pa da un avisu forti pa bo pega tesu na luta pa fe ku Deus ntrega si pobu un bias pa sempri.