2 Timótiu 2:1 - BIBLIA - traduson antigu in Krioulo

¹ Abo, ña fiju, sedu forti pa fabur ku no ten na Kristu Jesus.

2 Timótiu 2:1 ပူးပေါင်းရင်းမြစ်များ

Aẑeu 2:4

Ami, SIÑOR, N fala: Zorobabel, bu ten ku sedu forti! Josué, fiju di Jeozadak, ŝef di saserdotis, bu ten ku sedu forti! Abos, tudu pobu di tera, bo ten ku sedu forti, bo tarbaja, pabia N sta ku bos. Ami, SIÑOR ku ten tudu puder, N fala.

1 Koríntius 16:13

Bo toma sintidu, bo fika firmi na fe. Bo sedu forti suma omi balenti.

Efésius 6:10

Pa kabanta, bo fika mas forti na Siñor pabia di si forti puder.

Filipensis 4:13

N ten forsa pa tudu kusa pabia di Kristu ku ta dan puder.

1 Timótiu 1:18

Ña fiju Timótiu, N pui e kargu riba di bo, konformi palabras di rekadu di Deus ku daduba aserka di bo. Usa ki palabras suma arma pa fasi bon gera.

1 Timótiu 1:2

N misti pa Deus no Pape ku Kristu Jesus no Siñor dau fabur, miserikordia ku pas.

2 Timótiu 1:1

Ami Paulu, apostolu di Kristu Jesus pa vontadi di Deus, ku ta konta aserka di vida ku Deus fala i na da, ku sta na Kristu Jesus,

2 Timótiu 1:2

N na skirbi pa Timótiu, ña fiju ku N ama. N misti pa Deus no Pape ku Kristu Jesus no Siñor dau fabur, miserikordia ku pas.

2 Timótiu 1:7

Spiritu ku Deus danu i ka ta fasinu kobardu, ma i ta danu puder, amor, ku forsa pa guberna no kurpu.

2 Timótiu 2:10

Asin N na sufri tudu pa amor di kilis ku Deus kuji, pa elis tambi e yangasa salbason ku sta na Kristu Jesus, ku gloria ku ka ta kaba.

2 Timótiu 4:17

Ma Siñor staba na ña ladu, i dan forsa pa N pudi konta si palabra klaru, pa tudu jintius obi. N libradu di boka di lion.

Josué 1:7

Son pa bu sedu forti, bu sedu koraẑosu; pui sintidu pa fasi konformi tudu lei ku ña servu Moisés dau. Ka bu disvia del, nin pa direita nin pa skerda, pa tudu pudi kuriu diritu na kualker kau ku bu na bai.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.