2 Timótiu 1:7 - BIBLIA - traduson antigu in Krioulo

⁷ Spiritu ku Deus danu i ka ta fasinu kobardu, ma i ta danu puder, amor, ku forsa pa guberna no kurpu.

2 Timótiu 1:7 ပူးပေါင်းရင်းမြစ်များ

Salmus 119:80

N misti obdisi bu ordis ku korson retu, pa N ka bin pasa borgoña.

Ditus 2:7

El i ta guarda jiresa di bardadi pa kilis ku sedu justu; i sedu tajadera pa kilis ku ta yanda ku korson di bardadi.

Ditus 8:14

Konsiju ku jiresa i di mi; N ten ntindimentu ku forsa.

Isaias 11:2

Spiritu di SIÑOR na sinta riba del, Spiritu di jiresa ku ntindimentu, Spiritu di konsiju ku puder, Spiritu di kuñisimentu ku rispitu pa SIÑOR.

Mikeias 3:8

Ma ami, N inci ku forsa di Spiritu di SIÑOR; N sibi ke ki justisa. N ten koraẑen pa konta pobu di Israel se krimis ku pekadus.

Zakarias 4:6

I ruspundi i falan: “Es i palabra ku SIÑOR misti papia ku Zorobabel: ‘I ka ku forsa di gera nin ku violensia, ma i ku ña Spiritu.’ Asin ku SIÑOR ku ten tudu puder fala.

Lukas 10:19

Jubi, N da bos puder pa masa kobras ku lakaran, pa vensi tudu forsa di inimigu. Nada ka na fasi bos mal.

Lukas 15:17

“I kumsa na kuda; sintidu rabida ku el, i fala: ‘Kantu tarbajaduris di ña pape ku tene kusa di kume tok i pasa; ami li N na muri ku fomi!

Lukas 24:49

Ami N na manda riba di bos kil ku ña Pape fala i na da. Bo fika na prasa di Jerusalen tok puder di seu bin riba di bos.”

Lukas 8:35

Jinti sai pa jubi ke ku ten, e bin pa Jesus, e oja ki omi ku dimonius saiba nel, sintadu lungu di Jesus, bistidu, ku si juisu diritu. E panta.

Bon Noba di Jesus Kristu ku Jon 14:27

N na disa bos ku pas; N na da bos ña pas. N ka na da bos el suma ku mundu ta da. Bo diskansa bo korson tarpajadu; ka bo medi.

Atus 1:8

ma bo na risibi puder di Spiritu Santu ku na bin riba di bos. Bo na sedu ña tustumuñas na Jerusalen, ku tudu Judeia, ku Samaria, te na lugar mas lunju di mundu.”

Atus 10:38

Bo sibi aserka di Jesus di Nazaré, kuma ku Deus unjil ku Spiritu Santu ku puder. I yanda tudu parti, i na fasi ben, i na kura tudu ku sta bas di puder di diabu, pabia Deus staba ku el.

Atus 20:24

ma ami, N ka da ña vida nin un balur; N misti son kompleta ña kurida ku alegria, pa kabanta tarbaju ku Siñor Jesus dan pa N fasi, pa N konta palabra di Bon Noba di grasa di Deus.

Atus 21:13

ma Paulu ruspundi: “Ke ku bo na fasi? Bo na cora pa pui ña korson fiks tristi. Ami N sta pruntu, i ka son pa maradu, ma N sta pruntu te pa muri na Jerusalen pabia di nomi di Siñor Jesus.”

Atus 26:11

N ta kastiga elis manga di bias na tudu kasa di juntamentu; N ta obriga elis pa e nega se fe. Ku raiba forti ku N tenba delis, N ta pirsigi elis te na prasas stranjeru.

Atus 26:25

Paulu falal: “Garandi gubernadur Festu, N ka pirdi juisu, ma N na papia bardadi ku juisu san.

Atus 6:8

Stevon, ku tenba garandi fe ku puder di Deus, i na fasiba milagris ku garandi sinal na metadi di pobu.

Atus 9:22

Saulu torna kada bias mas forti; i ta probaba kuma Jesus i Kristu, i ta kunfundi judeus ku mora na Damasku.

Romanus 5:5

speransa ka ta tisi disanimu, pabia Spiritu Santu ku no dadu i darma amor di Deus dentru di no korson.

Romanus 8:15

Spiritu ku bo risibi i ka ta fasi bos katibu pa bo pudi torna ten medu, ma bo risibi Spiritu ku fasi bos fijus, ku ta pui pa no coma Deus, no falal: “Deus no Pape.”

1 Koríntius 2:4

Ña manera di fala ku kusa ku N ta konta ka seduba palabra di ngoda na jiresa di jinti, ma ku proba firmi di puder di Spiritu,

Gálatas 5:22

Spiritu di Deus ta padi frutu di amor, alegria, pas, pasensa, pruntidon pa juda, bondadi, sedu algin di fiansa, mansesa ku puder pa guberna kurpu.

Kolosensis 1:8

I el ku kontanu di amor ku Spiritu pui na bos.

Ebreus 2:15

pa i pudi libra tudu kilis ku sedu katibu tudu se vida pabia di medu di mortu.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

1 Jon 4:18

Medu ka sta na amor, ma un amor kompletu i ta tira medu fora, pabia medu liga ku kastigu. Kin ku ten medu, si amor inda ka sta kompletu.