2 Timótiu 1:4 - BIBLIA - traduson antigu in Krioulo

⁴ N ta lembra di bu larmas; N tene garandi vontadi pa ojau, pa N pudi inci di kontentamentu.

2 Timótiu 1:4 ပူးပေါင်းရင်းမြစ်များ

Salmus 126:5

Kilis ku sumia ku larma, e na bin kebra ku kontentamentu.

Isaias 61:3

I mandan pa N da ordi aserka di jinti tristi na Sion, pa e dadu koroa bonitu na lugar di sinsa, azeiti di kontentamentu na lugar di tristesa, kantiga di ngaba Deus na lugar di spiritu pisadu, pa e pudi comadu arvuris di retidon, ku SIÑOR paranta pa si gloria.

Jeremias 31:13

Bajudas na kontenti, e na baja; jovens ku bejus na kontenti tambi. N na pui se cora pa i bida alegria; N na bidanta se tristesa kontentamentu.

Bon Noba di Jesus Kristu ku Jon 16:22

Asin tambi, abos gosi na bardadi bo tene kasabi, ma N na torna oja bos; bo korson na inci alegria; ningin ka na pudi tira bos el.

Bon Noba di Jesus Kristu ku Jon 16:24

Te gosi bo ka pidi nada na ña nomi. Bo pidi, bo ta risibi, pa bo alegria pudi sta kompletu.

Atus 20:19

N tarbaja pa Siñor ku tudu mansesa, ku manga di larma, ku garandi kansera ku judeus dan ku se mboskadas.

Atus 20:31

Asin, bo bisia, bo lembra kuma tris anu, di dia ku di noti, N ka para konsija kada un di bos ku larma.

Romanus 1:11

N misti oja bos, pa N pudi rapati ku bos puder spiritual, pa bo pudi fika mas forti.

Filipensis 1:8

Deus i ña tustumuña kuma ku N ten garandi diseẑu di bos tudu, ku saudadi fundu ku bin propi di korson di Kristu Jesus.

Filipensis 2:26

I sinti saudadi di bos tudu; i fika ku kasabi suma ku bo obi kuma i staba duenti.

1 Tesalonisensis 2:17

Anos, ermons, suma ku no staba separadu di bos duranti ki puku tempu, ma son di vista — i ka di korson de! — no tenba garandi vontadi pa oja bo rostu.

2 Timótiu 4:21

Bin dipresa antis di tempu di friu. Eubulu, Pudens, Linu, Klaudia ku tudu ermons e mandau manteña.

2 Timótiu 4:9

Fasi forsa pa bu bin oja ku mi dipresa,

1 Jon 1:4

No skirbi bos e kusas pa no alegria pudi sta kompletu.

Apokalipsi 21:4

I na limpa tudu larma na se uju. Mortu ka na ten mas, nin tristesa, nin cur, nin dur, pabia purmeru kusas pasa ja.”

Apokalipsi 7:17

pabia Karnel ku sta na tronu i na sedu se bakiadur; i na leba elis pa fontis di yagu ku ta da vida. Deus na limpa larma tudu na se uju.”