2 Timótiu 1:3 - BIBLIA - traduson antigu in Krioulo

³ N ta fala Deus obrigadu, kil ku N ta sirbi ku bon konsiensia suma ku ña papes antigu fasi; N ta gardisil sempri, ora ku N na coma bu nomi na orason di noti ku di dia.

2 Timótiu 1:3 ပူးပေါင်းရင်းမြစ်များ

Lukas 2:37

I fika viuva tok i tene kuas oitenta i kuatru anu. I ka ta lunjusi di kasa di Deus, i ta adoraba Deus di noti ku di dia, ku junjun ku orason.

Atus 22:3

“Ami i judeu, padidu na Tarsu di Silísia, ma N kriadu ne prasa li. Bas di Gamaliel N nsinadu diritu na tudu puntu di lei di no papes. N sirbi Deus ku tudu mpeñu, suma ku bo ta fasi aos.

Atus 23:1

Paulu jubi diritu pa Konseliu, i fala: “Ña ermons, te aos N yanda dianti di Deus ku tudu bon konsiensia.”

Atus 24:14

Ma i ten un kusa ku N na konfesa Ñu, kuma N ta adora Deus di no papes na ki kamiñu ke ta coma ‘seita’, ma N ta fia na tudu ku sta skritu na librus di lei ku anunsiaduris.

Atus 24:16

E ku manda N ta buska sempri tene un konsiensia limpu dianti di Deus ku dianti di jinti.

Atus 26:4

“Tudu judeus sibi kuma ku N yanda disna di pikininu, na kumsada di ña vida la na metadi di ña pobu, suma tambi na Jerusalen.

Atus 27:23

E di noti li un anju di ña Deus ku N sedu del, ku N ta adora, i staba lungu di mi,

Romanus 9:1

N na konta bardadi. Ami i di Kristu, N ka ta konta mintida. Ña konsiensia, bas di puder di Spiritu Santu, i na konfirma ña palabra,

2 Koríntius 1:12

Kusa ku no pudi njata nel: no konsiensia ta mostranu klaru kuma no vida na mundu, prinsipalmenti na no tratu ku bos, i sedu na puresa ku bardadi ku bin di Deus. I ka na jiresa di karni, ma i fabur di Deus.

Gálatas 1:14

Na ña rasa N mas ba manga di ña manjuas na sigi riliẑion di judeu. N forti ba dimas na fasi usu di ña papes antigu.

Efésius 1:16

ora ku N na lembra di bos na ña orason, N ka ta para fala Deus obrigadu pa bos;

1 Tesalonisensis 3:10

Di dia ku di noti no ta pidi ku tudu no korson pa i disanu oja bos utru bias, pa no pudi buri bos kil ku na falta na bo fe.

1 Timótiu 1:19

Guarda bu fe, ku bon konsiensia. Utru jinti nega sukuta ke ku se konsiensia na fala elis, e dana se fe.

1 Timótiu 1:5

N da e ordi pa disperta amor ku ta sai di un korson puru, di un bon konsiensia, di un fe ki ka di finjimentu.

1 Timótiu 5:5

Viuva ku na bardadi ka tene ningin, ma i dingi, i ta pui si speransa na Deus, i kontinua di noti ku di dia na orason, i na pidi Deus ajuda,

2 Timótiu 1:5

N lembra di fe puru ku bu ten, ku staba purmeru na bu dona Loida ku bu mame Eunisi. N fia sertu kuma i sta tambi na bo.

2 Timótiu 3:15

kuma disna di bu mininesa bu sibi Skritura Sagradu ku pudi fasiu jiru pa salbason pa fe na Kristu Jesus.

Ebreus 13:8

Jesus Kristu i mesmu aonti, ku aos, pa sempri.

1 Samuel 12:23

Pa ña parti, SIÑOR ta judan pa N ka fasi e pekadu kontra el, di para ora pa bos, ma N na nsina bos kamiñu bon i justu.