2 Timótiu 1:14 - BIBLIA - traduson antigu in Krioulo

¹⁴ Ku ajuda di Spiritu Santu ku mora na nos, guarda ki rikesa ku bu ntregadu.

2 Timótiu 1:14 ပူးပေါင်းရင်းမြစ်များ

Lukas 16:11

Si bo ka ojadu fiel na rikesa de mundu, kin ku na fia pa ntrega bos rikesa di bardadi?

Bon Noba di Jesus Kristu ku Jon 14:17

ku sedu Spiritu di bardadi ku jinti ku ka kunsi Deus ka pudi risibi, pabia e ka ta nota pa el, nin e ka kunsil; ma abos bo kunsil, pabia i mora ku bos; i na sta na bos.

Romanus 3:2

Manga del, na tudu sintidu. Purmeru, pabia Deus fia nelis, i ntrega elis si palabra.

Romanus 8:11

Si Spiritu di kil ku lantanda Jesus di mortu sta na bos, ki algin ku lantanda Kristu di mortu tambi i na pui vida na bo kurpu mortal, pabia di si Spiritu ku sta na bos.

Romanus 8:13

Si bo yanda suma ku bo kurpu misti, bo na muri, ma si, na puder di Spiritu, bo mata kustumus di bo kurpu, bo ta vivi.

Romanus 8:9

Abos, bo ka na yanda ja na vontadi di bo kurpu, ma na vontadi di Spiritu, si na bardadi Spiritu di Deus sta na bos. Kin ku ka tene Spiritu di Kristu, si dunu i ka del.

1 Koríntius 3:16

Nta bo ka sibi kuma abos i santuariu di Deus, kuma Spiritu di Deus mora na bos?

1 Koríntius 6:19

Nta bo ka sibi kuma bo kurpu i santuariu di Spiritu Santu ku Deus da bos, ku mora na bos? I ka abos ku tene bo kabesa,

1 Koríntius 9:17

Si N na fasil na ña propi vontadi, N ten ku pagadu, ma N fasil suma un dever, pabia i Deus ku dan el pa N fasi.

2 Koríntius 5:16

Gosi no ka ta jubi jinti suma ku jinti di mundu ta jubi. Kontudu no ta jubiba Kristu suma ku jinti di mundu ta jubi, ma gosi no ka na jubil asin.

Gálatas 2:7

ma e oja kuma Deus dan tarbaju di konta Bon Noba pa kilis ku ka sedu judeus, suma ki da Pedru pa judeus.

Efésius 2:22

Na union ku el, abos tambi, juntu ku utrus, bo na ba ta kumpudu pa lugar nunde ku Deus ta mora na si Spiritu.

Efésius 5:18

Ka bo cami biñu ku ta dana vida, ma bo inci ku Spiritu Santu.

Kolosensis 4:11

Jesus ku comadu Justu manda bos manteña. Di krentis judeu, esis i uniku ku ta tarbaja ku mi pa renu di Deus. E sedu garandi ajuda pa mi.

1 Tesalonisensis 5:19

Ka bo paga fugu di Spiritu di Deus.

1 Timótiu 1:11

ku sta na Bon Noba di Deus gloriosu ku mersi ngabadu, ki Bon Noba ki dan pa N konta.

1 Timótiu 6:20

Timótiu, guarda suguru kil ku bu ntregadu. Libra di kombersas tulu di amontondadi, ku purfias di kil ku utrus ta coma “kuñisimentu”, ma i falsu,

2 Timótiu 1:12

E ku manda N na sufri e kusas, ma N ka na burguñu del, pabia N sibi na kin ku N fia nel; N sta sertu kuma i ten puder pa guarda kil ku N ntregal te na ki dia.

2 Timótiu 2:2

Bu obi ña nsinamentu dianti di manga di tustumuña. Da ki nsinamentu pa omis fiel, ku sedu kapas tambi di nsina utrus.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.