2 Tesalonisensis 3:14 - BIBLIA - traduson antigu in Krioulo

¹⁴ Si algin ka seta palabra de karta, bo rapara si dunu diritu. Ka bo ten kumitison ku el, pa i pudi burguñu.

2 Tesalonisensis 3:14 ပူးပေါင်းရင်းမြစ်များ

Esdras 9:6

N fala: “Ña Deus! N sta na kunfuson ku borgoña. N ka pudi yalsa ña rostu pa bo, ña Deus, pabia no pekadus buri riba di no kabesa; no kulpa kirsi tok i ciga na seu.

Salmus 83:16

Kubri se rostu ku kunfuson, pa e pudi rikuñisi bu nomi, SIÑOR.

Ditus 5:13

N nega obi ña pursoris, nin N ka para sintidu na se palabras.

Jeremias 3:3

E ku manda cuba tujidu cubi; i ka ten cuba di kabantada. Abo bu tene rostu di minjer di mau vida; bu ka misti ten borgoña.

Jeremias 6:15

Nta e ta sinti borgoña di kusas nujenti ke ta fasi? Nau! Nin e ka ta burguñu nin e ka sibi ke ki borgoña! E ku manda e na kai ku kilis ku kai. Na tempu ku N kastiga elis e na kai ku forsa.” Asin ku SIÑOR fala.

Sofonias 3:2

I ka ta obi ningin, nin i ka ta seta disiplina. I ka ta fia na SIÑOR nin i ka ta ciga pertu di si Deus.

Numerus 12:14

SIÑOR fala Moisés: “Nta, si si pape kuspiba na si rostu, i ka na fikaba seti dia na borgoña? I ten ku ficadu fora di kampamentu pa seti dia; dipus i ta rukujidu.”

Mateus 18:17

Si i nega obi elis, konta asuntu na igreẑa. Tambi si i nega obi igreẑa, tratal suma algin ku ka kunsi Deus, suma kobradur di mpustu.

Romanus 16:17

Ermons, N na roga bos pa bo toma sintidu ku kilis ku ta bai kontra nsinu ku bo dadu; e ta tisi divison na bo metadi, e ta pui utrus pa e kai na fe. Bo lunjusi delis,

1 Koríntius 4:14

N ka skirbi asin pa N pasanta bos borgoña; N fasil pa N konsija bos suma ña fijus propi ku N ama.

1 Koríntius 5:11

Gosi N na skirbi bos pa ka bo junta ku kilis ku ta fala kuma e sedu ermons, ma e ta yanda na mau vida, o e ta fasi risu mon, o e adora idulus, o papia mal di utrus, camiduris, o furtaduris; ki koldadi, nin ka bo kume ku elis.

1 Koríntius 5:9

Na utru karta ku N skirbi bos, N fala pa ka bo junta ku kilis ku ta yanda na susidadi.

2 Koríntius 10:6

Ora ku bo sta pruntu pa obdisi, no sta tambi pruntu pa kastiga tudu disobdiensia.

2 Koríntius 2:9

N skirbi bos pa N jubi kuma ku bo sufri e proba, si bo ta obdisin na tudu ku N fala.

2 Koríntius 7:15

Asin si amor pa bos i mas forti inda, manera ki ta lembra di obdiensia di bos tudu, kuma ku bo risibil ku medu, tok bo na tirmi.

Ripitison di Lei 16:12

Lembra kuma bu seduba katibu na Ejitu, bu obdisi tudu e regras.

Filipensis 2:12

Asin, ña amigus ku N ama, suma ku bo obdisin sempri ocan ku bos, gosi ku N ka sta la i mas importanti inda pa bo obdisi. Na rispitu ku medu bo pui bo salbason pa i tarbaja,

Kolosensis 4:16

Dipus ku e karta leidu na bo metadi, bo fasi pa i leidu tambi na igreẑa di Laodiseia. Abos tambi bo ten ku lei karta ku na sai di Laodiseia.

1 Tesalonisensis 4:8

Asin, kil ku nega es, i ka palabra di omi ki nega, ma i Deus ki nega, ku ta da bos si Spiritu Santu.

2 Tesalonisensis 3:6

Ermons, no manda bos na nomi di no Siñor Jesus Kristu pa bo lunjusi di tudu ermon ku na yanda na prigisa, ku ka ta sigi nsinamentu ku no dal.

Titu 2:8

bu ten ku ten bon palabra ku ningin ka pudi kulpau nel, pa kilis ku sta kontra e ta burguñu, pabia e ka ten nin un mal di fala kontra nos.

Titu 3:10

Algin ku ta tisi rapatimentu, dal avisu te dus bias. Dipus, bu libra del.

Filemon 1:21

N skirbiu ku fiansa kuma bu na fasi kil ku N pidiu. Bardadi N sibi kuma bu na fasi inda mas.

Ebreus 13:17

Bo obdisi bo pastoris, bo suẑeta elis, pabia e ka ta kansa jubi pa bos, suma kin ku ten ku da Deus konta di bo alma. Bo juda elis pa e pudi fasi e tarbaju ku alegria, pa ka e ba ta fasil ku dur di korson, pabia de manera i ka ta bali pa bos.

2 Jon 1:10

Si algin bin nunde bos, i ka tisi e nsinamentu, ka bo risibil na kasa, nin ka bo falal manteña di ermondadi,