2 Tesalonisensis 3:1 - BIBLIA - traduson antigu in Krioulo

¹ Pa kabanta, ermons, bo ora pa nos, pa palabra di Siñor spaja rapidu, pa i dadu balur, suma ki dadu na bo metadi.

2 Tesalonisensis 3:1 ပူးပေါင်းရင်းမြစ်များ

Salmus 138:2

N na mpina pa ladu di bu kasa sagradu, N ngaba bu nomi, pabia di bu bondadi ku bu bardadi; bu garandisi bu palabra ku bu nomi riba di tudu.

Mateus 9:38

Bo pidi Siñor, ki Dunu di kebur, pa i manda tarbajaduris pa si kebur.”

Lukas 10:2

I fala elis: “Bardadi, kebur i garandi, ma tarbajaduris puku. Bo pidi Siñor, ki Dunu di kebur, pa i manda tarbajaduris pa si kebur.

Atus 12:24

Ma palabra di Deus mas na kirsi, i na spaja.

Atus 19:20

Asin ku palabra di Deus kirsi, i ngaña mas puder, i spaja kada bias mas.

Atus 6:7

Asin palabra di Deus na spajaba kada bias mas. Numeru di krentis na buri ciu na Jerusalen. Manga di saserdoti seta fe di Jesus.

Romanus 15:30

Ermons, N na pidi bos, na nomi di no Siñor Jesus Kristu, pa amor ku Spiritu ta danu, pa bo luta juntu ku mi na bo orason pa mi,

1 Koríntius 16:9

pabia porta yabri pa no fasi tarbaju di garandi purbitu, ma i ten manga di inimigu.

2 Koríntius 1:11

si bo kontinua judanu na bo orason. Asin suma ku manga di bos na ora pa nos, Deus na mostranu si fabur; manga di jinti na gardisil pabia di nos.

2 Koríntius 13:11

Mbon ermons, N na dispidi bos. Bo kontenti, bo sedu pirfitu, bo seta ña pididu, bo konkorda ku ŋutru, bo vivi na pas. Deus di amor ku ta da pas i ta sta ku bos.

Kolosensis 4:3

Bo ora tambi pa nos, pa Deus pudi yabrinu porta pa no konta si palabra, tambi no fala di sigridu di Kristu. I pabia de palabra ku manda N sta prezu.

1 Tesalonisensis 1:5

Oca ku no leba bos Bon Noba, i ka son ku palabra, ma tambi ku puder na Spiritu Santu, ku garandi sertesa. Bo sibi kuma ku no na viviba na bo metadi, pa ben di bos.

1 Tesalonisensis 1:8

Palabra di Siñor sai di bos, i obidu; i ka son na Masedonia ku Akaia, ma tambi na tudu lugar, noba di bo fe na Deus i ciga na oreja di jinti, tok no ka ten mas nada di fala,

1 Tesalonisensis 2:1

Ermons, abos propi bo sibi kuma no visita pa bos i ka amonton.

1 Tesalonisensis 2:13

E ku manda sempri no ta fala Deus obrigadu, pabia, oca ku no leba bos rekadu di Deus, bo risibil; bo ka risibil suma palabra di omi, ma suma palabra di Deus, ku na bardadi i sedu. I e palabra ku na tarbaja na bos ku fia nel.

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

1 Tesalonisensis 5:17

Bo ora sempri.

1 Tesalonisensis 5:25

Ermons, bo ora tambi pa nos.

2 Timótiu 2:9

Pabia di konta e Bon Noba ku manda N na sufri, tok N pudu korenti, suma kin ku fasi mal, ma palabra di Deus ka sta maradu.