2 Tesalonisensis 1:6 - BIBLIA - traduson antigu in Krioulo

⁶ Deus na fasi kil ki justu. I na tisi sufrimentu riba di kilis ku pui bos sufri.

2 Tesalonisensis 1:6 ပူးပေါင်းရင်းမြစ်များ

Saida 23:22

Ma si bu pui sintidu pa obi ña palabra, bu fasi tudu ku N fala, N na sedu inimigu di bu inimigus; N na sta kontra kilis ku sta kontra bo.

Eklesiastis 3:17

N fala na ña sintidu kuma Deus na julga kil ki justu ku kil ki mau, pabia i ten tempu markadu pa kada planu, ku kada kusa ku na fasidu.

Isaias 49:26

N na pui bu maltrataduris pa e kume se propi karni, pa e bibi se sangi tok e cami, suma ke bibi biñu nobu. Tudu jinti na sibi kuma ami i SIÑOR, bu Salbadur, bu Libertadur, ku sedu tambi Forsa di Jakó.”

Jeremias 50:29

“Bo coma kontra Babilonia tudu omis ku ta usa mansasa; bo taja prasa di volta pa ka ningin kapli. Bo pagal, bo fasil konformi tudu ki fasi, pabia i yanda ku orgulyu kontra SIÑOR, Deus santu di Israel.

Zakarias 2:8

pabia kil ku toka na bo i toka na minina di ña uju.” SIÑOR ku ten tudu puder mandan pa ki nasons ku roba bos kusas, pa N fala elis:

Kolosensis 3:25

Kada algin ku fasi mal i na pagadu mal ki fasi, pabia Deus ka ta fasi diferensa di jinti.

Ebreus 6:10

Deus i ka injustu pa diskisi di bo tarbaju, ku amor ku bo mostra pa el, manera ku bo sirbi si pobu, suma ku bo na fasi te gosi.

Apokalipsi 11:18

Nasons paña raiba, ma dia di bu vinga ciga. I tempu ja pa mortus julgadu, tempu pa bu paga bu servus anunsiadur, ku bu pobu, ku kilis ku rispita bu nomi, pikininus ku garandis; i tempu pa bu dana ki jinti ku dana tera.”

Apokalipsi 15:4

Siñor, kin ku ka na medi bo? Kin ku ka na ngaba bu nomi? Abo son ki puru. E ku manda tudu nasons na bin, e na kai bu dianti pa adorau, pabia kusas justu ku bu fasi, tudu jinti pudi ojal.”

Apokalipsi 18:20

Seu, fika kontenti riba del! Abos apostolus ku anunsiaduris ku pobu di Deus, bo kontenti! Deus julgal pabia di kil ki fasi bos.

Apokalipsi 18:24

Sangi di anunsiaduris ku pobu di Deus, ku tudu kilis ku matadu na tera, i sta riba de prasa.”

Apokalipsi 19:2

pabia si julgamentu i bardadi, i justu. I julga ki minjer di fama di mau vida ku dana tera ku si pekadu seksual. Deus kastigal pa vinga sangi di si servus.”

Apokalipsi 6:10

E grita ku garandi vos, e punta; “Siñor ku ten tudu puder, santu, di bardadi, kantu tempu ku no na pera pa bu julga, bu vinga kilis ku sta na tera ku darma no sangi?”