2 Tesalonisensis 1:3 - BIBLIA - traduson antigu in Krioulo

³ Ermons, no ten ku fala Deus obrigadu pa bos sempri. No dibi di fasi asin propi pabia bo fe na kirsi dimas. Amor ku kada un di bos ten pa ŋutru i na darma kada bias mas na bo metadi.

2 Tesalonisensis 1:3 ပူးပေါင်းရင်းမြစ်များ

Jo 17:9

Omi justu na yanda na si kamiñu, i ka na largal; kil ku tene mon puru i na kirsi kada bias mas na forsa.

Salmus 84:7

E ta fika e na ngaña forsa pa bai, tok kada kin bai ciga dianti di Deus na Sion.

Salmus 92:13

Suma ke parantadu na kasa di SIÑOR no Deus, e na kirsi la ku saudi.

Ditus 4:18

Kamiñu di justus i suma purmeru lus di mandrugada, ku ta kumsa na aumenta klaridadi tok sol kaba mansi,

Lukas 15:32

ma i bon pa no fasi festa, no kontenti, pabia bu ermon staba mortu, i torna bibu; i pirdiba, i ojadu.’ ”

Lukas 17:5

Apostolus fala Siñor: “Burinu fe.”

Bon Noba di Jesus Kristu ku Jon 15:2

I ta korta tudu ramu ku sta na mi ku ka ta padi, ma i ta limpa tudu ki ramus ku ta padi pa e pudi padi mas.

Romanus 1:8

Purmeru, N fala Deus obrigadu, na nomi di Jesus Kristu, pabia di bos tudu, manera ku na tudu mundu jinti na konta di bo fe.

1 Koríntius 1:4

Sempri N ta fala ña Deus obrigadu pa bos, suma ki da bos si fabur na Jesus Kristu,

2 Koríntius 10:15

No ka ta njata na tarbaju ku utru jinti fasi fora di lugar ku Deus markanu, ma no na pera, suma ku bo fe na kirsi, ku no pudi fasi tarbaju muitu mas garandi na bo metadi, ma sempri dentru di ki midida ku Deus markanu.

Efésius 5:20

Bo fala Deus no Pape sempri obrigadu pa tudu, na nomi di no Siñor Jesus Kristu.

Filipensis 1:7

N tene bos sempri na ña korson. E ku manda N oja kuma i justu pa N sinti asin pa bos, pabia abos tudu bo ta toma parti na mison ku Deus dan, tantu na kalabus suma ora ku N na difindi pa firmanta bardadi di Bon Noba.

Filipensis 1:9

Es i ña orason, pa bo amor buri kada bias mas, na kuñisimentu, tambi ku tudu ntindimentu,

1 Tesalonisensis 3:12

N misti pa Siñor pui bo amor pa i kirsi, i darma un pa utru, i pa tudu jinti, suma tambi ku no amor darma pa bos.

1 Tesalonisensis 3:6

Gosi ku Timótiu riba di visita bos, i tisinu bon noba di bo fe ku bo amor, i kontanu kuma bo ta pensa sempri ben di nos, kuma bo misti ojanu suma ku no misti oja bos,

1 Tesalonisensis 3:9

Kal manera ku no pudi gardisi no Deus pa bos pa tudu alegria ku no ten si dianti pabia di bos?

1 Tesalonisensis 4:1

Pa kabanta, ermons, no nsina bos kuma ku bo dibi di yanda pa fasi Deus kontenti. Asin propi ku bo na yanda, ma no roga bos, no na konsija bos na nomi di Siñor Jesus, pa bo fasi forsa pa yanda mas diritu inda.

2 Tesalonisensis 2:1

Agora ermons, aserka di vinda di no Siñor Jesus Kristu, ku no juntamentu ku el, N na pidi bos

2 Tesalonisensis 2:13

Ermons ku Siñor ama, no ten ku fala Deus obrigadu pa bos sempri, suma ki kuji bos disna di kumsada pa salbason, pa Spiritu pudi fasi bos si pobu santu, pabia di bo fe na bardadi.

1 Pedru 1:22

Suma ku bo obdisi bardadi, bo limpa bo alma tok bo sinti amor di bardadi pa bo ermons, bo ten ku ama ŋutru ku tudu bo korson.

2 Pedru 1:13

N oja kuma i bon pa N lembranta bos de kusas li, nkuantu inda N sta ku vida.

2 Pedru 3:18

Mas minjor bo bai dianti na fabur ku kuñisimentu di no Siñor i Salbadur Jesus Kristu. El pa i dadu gloria, disna di gosi, suma pa tudu sempri. Amen.