2 Samuel 9:7 - BIBLIA - traduson antigu in Krioulo

⁷ Davi falal: “Ka bu ten medu, pabia, di sertesa, N na tratau ku bondadi pa amor di bu pape Jonatas. N na tornau tudu terenus di bu dona Saul; sempri bu na ba ta kume na ña mesa.”

2 Samuel 9:7 ပူးပေါင်းရင်းမြစ်များ

Kumsada 43:18

Oca e na lebadu pa kasa e sinti medu, e pensa: “I pabia di ki diñeru ku ribantadu na no sakus na purmeru bias ku no bin, e ku manda no tisidu li, pa i kulpanu, i kai riba di nos, i tomanu ku no burus pa fasinu katibus.”

Kumsada 43:23

Nkargadu fala: “I sta bon. Ka bo ten medu. Bo Deus, Deus di bo pape, i da bos un rikesa na bo sakus. N risibi bo diñeru.” I tisi Simeon fora pa i sta ku elis.

2 Samuel 12:8

N dau si renansa ku si minjeris. Tambi N fasiu rei di Israel ku Judá. Si es seduba pikininu, N pudiba buriu inda mas.

2 Samuel 19:28

pabia tudu familia di ña pape i jinti ku mersi mortu dianti di Ñu Rei, ma bu pui bu servu na metadi di kilis ku ta kume na bu mesa. Nta kal diritu ku N ten mas pa pidi Ñu Rei fabur?”

2 Samuel 19:29

Rei falal: “I ka pirsis mas papia na ki asuntu. N disidi ja kuma abo ku Ziba bo na rapati ki terenu.”

2 Samuel 19:33

Rei fala Barzilai: “Bin, bu fika ku mi na Jerusalen; N na toma konta di bo.”

2 Samuel 21:7

Rei ka ntrega Mefiboset, fiju di Jonatas, fiju di Saul, manera ku el ku Jonatas e jurmentaba pa ŋutru na nomi di SIÑOR,

2 Samuel 9:1

Un dia Davi punta: “Nta i ten inda algin ku sobra di familia di Saul pa N fasil ben pa amor di Jonatas?”

2 Samuel 9:10

Abo ku bu fijus ku bu kriadus bo na tarbaja lugaris, bu na rukuji prudutus, pa familia di bu mestre pudi tene di kume, ma Mefiboset, netu di bu mestre, i na kume sempri na ña mesa.” (Ziba teneba kinzi fiju ku vinti kriadu.)

2 Samuel 9:11

Ziba fala rei: “Ami bu servu N na fasi tudu kil ku Ñu Rei mandan.” Asin Mefiboset fika i na kume na mesa suma un di fijus di rei.

2 Samuel 9:13

Mefiboset, ku manku ba na tudu dus pe, bai mora na Jerusalen, pabia i ta kumeba sempri na mesa di rei.

2 Samuel 9:3

Rei puntal: “I ka sobra inda algin di familia di Saul ku N pudi mostra bondadi di Deus pa el?” Ziba fala rei: “I ten inda un fiju di Jonatas ku manku na tudu dus pe.”

1 Reis 2:7

“Bu dibi di mostra bondadi pa fijus di Barzilai di Jilead, pa e sta sempri na metadi di kilis ku ta kume na bu mesa, pabia elis e bin judan oca N na kuri di bu ermon Absalon.

2 Reis 25:29

Asin Joakin disa di bisti ropa di kalabus; pa restu di si vida i ta kumeba na mesa di rei.

Salmus 41:9

Te ña amigu di korson, ku N fiansaba nel, ku ta kume ña kumida, i rabida kontra mi.

Jeremias 52:33

Asin Joakin tira si ropa di kalabus, i pasa na kume na mesa di rei pa restu di si vida.

Zakarias 7:9

“Asin ku SIÑOR ku ten tudu puder fala disna: ‘Bo fasi justisa di bardadi, bo mostra bondadi ku pena, kada un pa si ermon.

Mateus 6:11

Patinu aos kumida ku no pirsisa del.

Lukas 22:30

pa bo kume, bo bibi ku mi na mesa na ña renu; pa bo sinta na tronus pa julga dozi jorson di Israel.”

Apokalipsi 3:20

Ali N sta na porta, N na konki. Si algin obi ña fála, i yabri porta, N ta yentra na si kasa, N ta kume ku el; el i ta kume ku mi tambi.

1 Samuel 12:24

Bo pui sintidu pa rispita SIÑOR, bo sedu fiel na sirbil ku tudu bo korson, bo lembra di kusas garandi ki fasi pa bos.

1 Samuel 20:15

Tambi bu ka na para mostra bu bondadi pa ña familia pa sempri, mesmu na tempu ku SIÑOR na kaba ku kada un di inimigus di Davi.

1 Samuel 22:23

Bu ta fika ku mi; ka bu ten medu, pabia kil ku na buska tirau vida i na buska tira di mi tambi. Bu na fika suguru ku mi.”