2 Samuel 9:3 - BIBLIA - traduson antigu in Krioulo

³ Rei puntal: “I ka sobra inda algin di familia di Saul ku N pudi mostra bondadi di Deus pa el?” Ziba fala rei: “I ten inda un fiju di Jonatas ku manku na tudu dus pe.”

2 Samuel 9:3 ပူးပေါင်းရင်းမြစ်များ

2 Samuel 19:26

Mefiboset falal: “Ñu Rei, suma bu servu i manku, N manda purpara un buru pa N monta nel pa N bai ku rei, ma ña servu nganan.

2 Samuel 19:27

Fora di kila, i konta mintida pa mi dianti di Ñu Rei; ma Ñu Rei i suma anju di Deus. Gosi i ta fasi kil ki oja kuma i bon,

2 Samuel 4:4

Jonatas, fiju di Saul, i teneba un fiju comadu Mefiboset, manku na tudu dus pe. I teneba sinku anu di idadi oca noba di Saul ku Jonatas ciga na Jizreel. Minjer ku ta tomaba konta del i lambul, i kuri. Oca ki na janti pa bai, rapas kapli, i kai, i fika manku.

2 Samuel 9:13

Mefiboset, ku manku ba na tudu dus pe, bai mora na Jerusalen, pabia i ta kumeba sempri na mesa di rei.

2 Samuel 9:7

Davi falal: “Ka bu ten medu, pabia, di sertesa, N na tratau ku bondadi pa amor di bu pape Jonatas. N na tornau tudu terenus di bu dona Saul; sempri bu na ba ta kume na ña mesa.”

Lukas 6:36

Bo sinti pena di jinti, suma ku bo Pape ta ten pena.

Ripitison di Lei 10:15

SIÑOR pui sintidu na bu papes, i ama elis; dipus i kuji bos, se fijus, na metadi di tudu nasons; bo sedu si pobu te aos.

Ripitison di Lei 4:37

Manera ki ama bu papes, i kuji se jorson, e ku manda el propi i tirau di Ejitu ku si garandi forsa,