2 Samuel 8:4 - BIBLIA - traduson antigu in Krioulo

⁴ Davi toma na si mon mil i seizentus tropa di kabalu ku vinti mil tropa di pe. I korta nervus di pe di tudu kabalus di karu, fora di sen ki fika ku el.

2 Samuel 8:4 ပူးပေါင်းရင်းမြစ်များ

Kumsada 49:6

N ka na toma parti na se palabras sukundidu; ña korson ka na junta na se runion, pabia na se raiba e mata omis; e pui turus fika manku, son pa se mau brinkadera.

1 Reis 10:26

Salomon junta karus ku kabalus, tok i teneba mil i kuatrusentus karu ku dozi mil kabalu. I leba elis pa prasas di karu, ma utrus fika ku rei na Jerusalen.

1 Kronikas 18:4

i tomal mil karu, seti mil tropa di kabalu ku vinti mil tropa di pe. I guarda sen kabalu di karu; restu i korta se nervus di pe.

Salmus 20:7

Utrus ta fiansa na karus, utrus na kabalus, ma anos, no na fiansa na nomi di SIÑOR no Deus.

Ripitison di Lei 17:16

Rei ka dibi di buska manga di kabalu pa si kabesa, nin i ka dibi di manda jinti pa Ejitu pa buska manga di kabalu, pabia SIÑOR fala bos: “Nunka mas ka bo riba na ki kamiñu.”

Josué 11:6

SIÑOR fala Josué: “Ka bu ten medu se dianti, pabia amaña ne ora N na ntrega elis pa Israel, tudu mortu. Bu na pui se kabalus manku, bu na kema se karus ku fugu.”

Josué 11:9

Josué fasi suma ku SIÑOR falal: i pui se kabalus manku, i kema se karus na fugu.