2 Samuel 6:14 - BIBLIA - traduson antigu in Krioulo

¹⁴ Davi, bistidu di un efodi di liñu, i na jukutaba ku tudu si forsa dianti di SIÑOR.

2 Samuel 6:14 ပူးပေါင်းရင်းမြစ်များ

2 Samuel 6:15

Asin Davi, ku tudu israelitas, e na lebaba arka di SIÑOR, e na grita ku kontentamentu; utrus na toka korneta.

2 Samuel 6:20

Oca Davi riba pa kasa pa bensua si familia, Mikal, fiju di Saul, sai pa bai kontra ku el, i falal: “Na bardadi, rei di Israel ngaña rispitu aos, manera ki mostra si kurpu dianti di bajudas di si propi servus suma kualker rapas ku ka ten borgoña!”

1 Kronikas 15:27

Davi bistiba un kamisoti kumpridu di liñu finu, suma tambi tudu ki levitas ku na kargaba arka, ku kantaduris, ku Kenanias, se diriẑenti di kantiga. Davi bistiba tambi un efodi di liñu.

Salmus 149:3

pa e ngaba si nomi ku flauta, pa e kanta salmus pa el ku tambriña ku arpa.

Salmus 150:4

Bo ngabal ku tambriña ku baju; bo ngabal ku instrumentus di korda ku orgons.

Salmus 30:11

Bu bidanta ña tristesa baju di kontentamentu; bu tira saku di cur ku N bistiba, bu bistin ku ropa di alegria,

Salmus 87:7

Kantaduris ku tokaduris di instrumentus e na kanta: “Tudu ña fontis sta na bo.”

Saida 15:20

Mirian, ku ta anunsiaba rekadu di Deus, irma di Aron, i toma tambriña na si mon. Tudu minjeris pega si tras, e na toka tambriñas, e na baja.

Saida 15:21

Mirian kanta pa elis: “Bo kanta pa SIÑOR, pabia el i garandisidu riba di tudu. I bota kabalu na mar, ku si kabaleru.”

Saida 19:6

ma abos bo na sedu pa mi un renu di saserdotis, un pobu sagradu.’ Es i palabra ku bu na fala fijus di Israel.”

Eklesiastis 9:10

Tudu ku ciga na bu mon pa fasi, fasil konformi bu forsa, pabia na mundu di mortus, nunde ku bu na bai, i ka ten tarbaju, nin planus, nin kuñisimentu, ku fadi jiresa.

Ezekiel 46:10

Rei na sta juntu ku elis; i na yentra ora ke yentra, i na sai ora ke sai.

Lukas 15:25

“Si fiju mas beju staba na matu. Oca ki bin tok i pertu kasa, i obi musika ku baju.

Ripitison di Lei 6:5

Ama SIÑOR bu Deus ku tudu bu korson, tudu bu alma, ku tudu bu forsa.

Kolosensis 3:23

Tudu ku bo na fasi, bo fasil di tudu bo korson, suma ku bo na fasi pa Siñor; i ka pa omi.

Ŝefis 11:34

Oca ku Jeftá ciga na si kasa na Mizpá, si fiju femia sai, i na baja, pa bai kontra ku el, ku tambriña. El son ki padiba; i ka teneba nin utru fiju, nin macu nin femia.

Ŝefis 21:21

bo ba ta jubi. Ora ku bajudas di Siló sai pa baja na grupu, bo sai na ortas; kada kin ta rabata un bajuda di Siló; bo ta bai pa tera di Benjamin.

1 Samuel 2:18

Samuel na tarbajaba dianti di SIÑOR ocal inda rapas, bistidu ku efodi di liñu.

1 Samuel 2:28

N kujil na metadi di tudu jorson di Israel pa i sedu saserdoti, pa ba ta sirbin na ña altar, pa ba ta kema nsensu, tambi pa bisti efodi ña dianti. N da familia di bu pape tudu ofertas kemadu ku fijus di Israel ta tisi.

1 Samuel 22:18

Asin Saul fala Doeg: “Abo, rabida, bu ataka e saserdotis.” Ki edomeu Doeg rabida i ataka saserdotis; na ki dia i mata oitenta i sinku omi ku ta bisti efodi di liñu.