2 Samuel 5:9 - BIBLIA - traduson antigu in Krioulo

⁹ Asin Davi bai mora na ki kau forti, i comal prasa di Davi. I kumsa kumpu prasa na roda, desdi Milu te dentru di prasa.

2 Samuel 5:9 ပူးပေါင်းရင်းမြစ်များ

2 Samuel 5:7

Ma Davi toma ki kau forti di Sion, ku bin sedu prasa di Davi.

2 Samuel 5:8

Davi fala na ki dia: “Kualker ku na ngaña jebuseus ten ku pasa na kanal pa yangasa ki mankus ku segus ku Davi nfastia.” Di la ki sai ki ditu ku fala: “Nin segu nin manku ka na yentra ne kasa.”

2 Samuel 6:10

I sinti kuma i ka pudi ja leba arka di SIÑOR pa prasa di Davi, ma i vira pa utru kamiñu, i lebal pa kasa di Obed-Edon, un jiteu. .

1 Reis 11:27

I kontisi asin: Salomon kumpuba ja Milu, i tapaba burakus na mura di prasa di si pape Davi.

1 Reis 2:10

Asin Davi muri, i nteradu na prasa di si nomi.

1 Reis 9:15

Salomon pui jinti na tarbaju obrigatoriu pa kumpu kasa di SIÑOR ku si propi kasa, ku Milu, ku mura di Jerusalen, ku Azor, Mejidu ku Jezer.

1 Reis 9:24

Dipus di fiju di Faraó munda di prasa di Davi pa si kasa ku Salomon kumpu pa el, Salomon kumpu Milu.

2 Reis 12:20

Si ŝefis lanta kontra Joás, e matal na Bet-Milu, na kamiñu di Sila.

2 Reis 12:21

Ŝefis ku matal e seduba Jozakar, fiju di Simeat, ku Jeozabad, fiju di Somer. I nteradu lungu di si papes na prasa di Davi. Si fiju Amazias rena na si lugar.

1 Kronikas 11:8

I kumpu prasa na roda di kuartel, desdi Milu te na mura. Joab kumpu restu di prasa.

2 Kronikas 32:5

Ezekias pega tesu, i kumpu tudu kau di mura ku danaba, i kumpu toris riba del, i kumpu utru mura na ladu di fora, i fortifika Milu na prasa di Davi, i kumpu manga di material di gera ku tajaderas.

Neemias 3:15

Salun, fiju di Kol-Ozi, ŝef di bairu di Mizpá, i kumpu porton di fonti, i pui kankra riba del, i pui portas ku ficaduras ku trinkus na se lugar. Tambi i kumpu mura di pisina di Sela, lungu di jardin di rei, te na skada ku ta ria di prasa di Davi.

Salmus 122:3

Jerusalen kumpudu suma prasa ku tene kasas pertu di ŋutru.

Isaias 29:1

Koitadi di bo, Ariel, ku comadu fugu di altar di Deus, prasa nunde ku Davi bai mora. Buri anu riba di anu, festival riba di festival.

Ŝefis 9:20

ma si i ka asin, pa fugu sai na Abimelek pa i kema jinti di Siken ku Bet-Milu; fugu tambi pa i sai di jinti di Siken ku Bet-Milu pa i kema Abimelek.”

Ŝefis 9:6

Tudu jinti di Siken ku di Bet-Milu e junta, e bai e fasi Abimelek rei, pertu di karvaju ku sta lungu di Siken.