2 Samuel 5:2 - BIBLIA - traduson antigu in Krioulo

² Mesmu na ki tempu ku Saul seduba inda no rei, i abo ku ta baiba dianti di tropas di Israel. Tambi SIÑOR falau kuma bu na sedu gia di si pobu Israel; bu na sedu se rei.”

2 Samuel 5:2 ပူးပေါင်းရင်းမြစ်များ

Kumsada 49:24

ma si mansasa fika firmi; si mon fika disimbaransadu pabia di mon di Deus forti di Jakó, ku sedu Gia ku Roca forti di Israel,

2 Samuel 6:21

Davi fala Mikal: “I dianti di SIÑOR ku N baja ku kontentamentu, kil ku kujin na lugar di bu pape ku tudu si familia, i mandan pa N sedu ŝef riba di si pobu Israel.

2 Samuel 7:7

Nta na kualker lugar ku N yanda ku tudu fijus di Israel, N ciga di papia ku kualker di se ŝefis ku N pui pa e gia ña pobu Israel, o N punta elis ke ku manda e ka kumpun kasa di sedru?’

2 Samuel 7:8

“Asin bu ta fala ña servu Davi kuma, asin ku SIÑOR ku ten tudu puder fala: ‘N tirau na kau ku bu ta bakiaba karnel nel, pa bu sedu rei di ña pobu Israel.

2 Reis 20:5

“Riba, bu fala Ezekias, ŝef di ña pobu, kuma SIÑOR, Deus di si pape Davi, i falal: ‘N obi bu orason, N oja bu larmas. N na kurau; na terseru dia bu na bai pa kasa di SIÑOR.

1 Kronikas 11:2

Mesmu na tempu ku Saul seduba inda rei, i abo ku ta baiba dianti di Israel pa gera. SIÑOR bu Deus falauba kuma bu na sedu bakiadur di si pobu Israel, bu na rena riba delis.”

2 Kronikas 1:10

Asin, bu ta dan jiresa ku kuñisimentu pa N pudi gia e pobu, pabia kin ku pudi guberna es bu pobu manera ki garandi?”

Isaias 40:11

I na toma konta di si karnelis suma bakiadur; i na lambu karnelsiñus, i leba elis na si mon; kilis ku na mamanta, i ta leba elis ku mansesa.

Isaias 55:4

N pul pa i sedu suma tustumuña pa nasons, suma ŝef o gubernadur riba delis.

Ezekiel 34:23

N na pui un bakiadur riba delis ku na bakia elis, ku sedu ña servu Davi; i el ku na toma konta delis, i na sedu se bakiadur.

Mikeias 5:4

I na manti firmi, i na bakia pobu na forsa di SIÑOR, na puder di nomi di SIÑOR si Deus. E na mora suguru, pabia i na bin garandisidu te na partis mas lunju di mundu.

Numerus 27:17

ku ta leba elis fora, i tisi elis pa dentru, i yanda sempri se dianti, pa pobu di SIÑOR ka sedu suma karnel ku ka tene bakiadur.”

Mateus 2:6

‘Abo Belen na tera di Judá, bu ka na sedu prasa pikininu na metadi di utru prasas di Judá, pabia i na bo ki na bin sai nel un ŝef ku na bin gia ña pobu Israel.’ ”

Bon Noba di Jesus Kristu ku Jon 10:11

“Ami i bon bakiadur; bon bakiadur ta sta pruntu pa muri pa si karnel,

Ebreus 2:10

I bon manera ku Deus, ku kumpu i nguenta tudu kusa, i fasi Jesus pirfitu pabia di si sufrimentu, pa i pudi tisi manga di fiju pa gloria. Jesus i kil ku na gia elis pa salbason.

1 Samuel 13:14

ma gosi bu renu ka na tarda. SIÑOR buska ja un omi ku si korson pudi kontenti ku el, i nomial pa i sedu rei riba di si pobu, pabia bu ka obdisi ordi ku SIÑOR dau.”

1 Samuel 16:1

SIÑOR punta Samuel: “Te kal tempu ku bu na sinti dur di Saul suma ku N negal pa ka i rena riba di Israel? Inci bu cifri azeiti, bu pega kamiñu. N na mandau pa Jesé di Belen, pabia N kuji un di si fijus pa i sedu rei.”

1 Samuel 18:13

Asin i ranja manera di tira Davi na kasa; i pul suma ŝef di mil soldadu. Davi ta baiba sempri dianti di tropas.

1 Samuel 18:16

Tudu Israel ku Judá gostaba di Davi, pabia i ta baiba sempri dianti di tropas.

1 Samuel 18:5

Davi ta baiba tudu kau ku Saul mandal, i ta fasi tudu kusa diritu, tok Saul pul riba di tropas; tudu jinti kontenti ku el, te propi ŝefis di tropas kontenti.

1 Samuel 25:28

Ñu ta purdan mal ku N fasi, pabia ku sertesa SIÑOR na da renansa firmi pa Ñu ku si jorson, suma ku Ñu ta geria geras di SIÑOR. I bon pa mal ka ojadu na Ñu na tudu vida di Ñu.

1 Samuel 25:30

Ora ku SIÑOR fasi tudu bon kusa ki fala Ñu kuma i na fasi, i pui pa Ñu sedu rei na Israel,

1 Samuel 9:16

“Amaña ne ora N na mandau un omi di tera di Benjamin; bu na unjil pa i sedu ŝef riba di ña pobu Israel. El i na libra ña pobu na mon di filisteus. Ña uju sta abertu pa ña pobu, pabia se fála ciga na ña oreja.”